Next
【職場熱話】請No pay leave 公司一定會批？網民：除咗病假，公司係有權唔批！
【職場熱話】請No pay leave 公司一定會批？網民：除咗病假，公司係有權唔批！
2023-10-26
普遍公司都會提供1年12至14天有薪年假給員工，好讓他們能夠有所休息。有部分公司只遵從勞工法例最低要求，給予員工7天有薪假。當有薪假用完後，打工仔只能選擇申請無薪假來獲得休息日。有網民於香港討論區發文，指有同事計劃申請無薪假期來作旅遊用途，因而好奇公司是否有權利拒絕員工申請無薪假。
延伸閱讀：【Annual Leave】請假卻遭老闆「提醒」 打工仔嘆：佢話我放假影響公司運作成本⋯⋯
按圖了解事主及網民回應：
事主：自從開返關之後，我估好多人都會去多咗旅行。我同事用晒今年啲AL嚟去旅行。我見到佢上星期搶到$0蚊機票，我就問佢：「你冇晒假仲去到旅行咩？」佢好爽快咁答話諗住請No Pay Leave。我再追問佢：「唔怕公司唔批你放No Pay Leave咩？」佢驚都冇驚過就答「唔會有事嘅」。所以想問吓大家有冇試過公司係唔畀你放No Pay leave？
網民A：我公司經常都唔畀我放，成日話公司唔夠人用。
網民B：睇你幾時申請，如果好早講定通常都會批，但前一、兩日先講就一定唔放你走。
網民C：除咗病假，公司係有權唔批！勞工法例係幫啲老細多啲……
網民D：你同事可以照放，但公司會計佢曠工，可能會因為曠工而直接炒人。
網民E：我好多同事得閒就會請吓無薪假，佢啲嘢就會分晒畀同條嘅人做，搞到工作量大增，真係多得呢啲人唔少！你話有緊要事請無薪就話可以體諒啫，得閒請吓假，搞到其他同事真係躁！支持啲老闆唔批啲員工請無薪假。
網民F：如果你平時工作表現唔錯嘅話，老細通常都會批你嘅。
網民G：我以前係某美資公司做，公司逼我清AL，我想一口氣請幾日都唔批啦，叫我要分開放，話連續放幾日會影響公司運作。AL都咁，No Pay Leave一定仲衰。
網民H：啲老細見你真係有事而請No Pay Leave假，通常都會批，但你話因為去旅行而請，唔畀你請之餘，仲會鬧你。
網民I：調返轉諗，公司成日畀你放假，你對公司嘅價值係可有可無，一有更好嘅人就會取代你。
網民J：雖然話No Pay Leave係唔出糧畀你，但因為你冇返工令到公司有損失，啲老闆見到梗係唔想批啦。
延伸閱讀： 【職場文化】00後新同事請假會連住公眾假期一齊放 打工仔怒批此舉：好自私！
絕大部分網民指出，公司時有權拒絕員工申請無薪假，若然員工平日工作表現良好，或是提早申請，一般老闆都會批准。網民更分享自己的經驗，稱因為同事請無薪假的緣故，導致其他同事需要負責他的工作，使工作量大增，更明言支持公司應該拒絕所有無薪假的申請。
《僱傭條例》怎樣說？
根據現時《僱傭條例》，並未有任何提及關於無薪假的安排，所以能否打工仔能否成功申請無薪假期便取決於與僱主的協商。如果打工仔未獲批准而執意放假，公司能夠視為曠工，根據《僱傭條例》第57章，若僱員作出以下行為，僱主就能無須給予對方通知或代通知金而終止僱傭合約：
1. 故意不服從僱主合法而又合理的命令；
2. 行為不當；
3. 犯有欺詐或不忠實行為；或
4. 慣常疏忽職責，
僱主可無須給予通知或代通知金而即時解僱該僱員。
但僱主應該留意，即時解僱是嚴重的紀律處分，只有在僱員犯了非常嚴重的過失或經多次警告仍不改善的情況下才採用。
延伸閲讀：【職場熱話】放完大假返工 同事個個話冇咗你唔得 事主：話我愈重要 我愈想辭職
按圖即看求職對假期政策的常見誤解。
延伸閲讀： 【員工福利】僱主應否提供有薪寵物假？英國調查：每20個主人有1個獲批
有部分無良僱主都會用方法剝削員工，按圖即看網民分享經歷。
延伸閲讀：【勞工法例丨試用期需知】Probation內可唔可以請病假？放假會扣糧？畢業生必知的試用期3件事 免受僱主剝削
最新專訪片︰
【HR Guru】精算師變身成人事總管 AXA安盛首席人事及企業管理總監林美瑤：數據分析助我做出更好的人事決定！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!