【同阿爸阿媽去旅行】兩件小事睇到眼濕濕 事主：而家先發現父母其實好可愛

長大後才明白，所謂孝順，並不一定要等待「有能力」之後才實踐，而是願意在日常中抽時間陪伴、在父母眼中仍能創造驚喜。有網民於社交平台Threads上發文，指自己首次帶父母外出旅行，結果發生了兩次小事，令事主感慨道：「覺得佢哋老咗好可愛，好想繼續帶佢哋周圍去！」

首次帶父母外出旅行 結果出乎意料？

樓主：同父母旅行後有感。自己睇落微不足道嘅嘢，喺佢哋眼中係千奇百趣。 1）我都唔係特別恨坐飛機窗口位，但媽媽同爸爸會爭住坐，媽媽會喺窗邊不斷自拍，見到機翼位遮住個景會唔開心扁嘴。 2）一家人近近地去個台北，我自己去慣去熟，但佢哋第一次去，爸爸前一晚會瞓唔着，好似小學生秋季旅行／陸運會前一晚咁興奮。淨係呢兩件小事，已經覺得佢哋老咗好可愛，自己都想保護佢哋，好想繼續帶佢哋周圍去，希望佢哋身體健康，行得走得食得！ 網民A：帶父母去旅行真係好唔簡單，你好叻！ 網民B：可以視為微不足道嘅事，都係因為父母燃燒自己嚟成就你。 網民C：見到得意嘢（其實我覺得好普通）即刻喺袋拎手機出嚟影相 😂
影完會望住手機張相笑，又即刻Send去親戚Group，會覺得媽媽好得意！ 網民D：孝順！搵多啲錢，多帶父母去旅行，一次足以令佢哋回味一輩子。 網民E：我完全明白，我都帶媽媽去咗大阪玩幾日，佢開心到不得了。搭飛機坐窗口位都係望實起飛同降落，去到邊影相影到邊，我都覺得對佢好虧欠，成65歲先帶佢第二次旅行，一落機就問我下次去邊，好可愛。 網民F：我都係啱啱第一次帶咗爸爸媽媽去大阪，見到佢哋變番小朋友咁，覺得好得意。但角色互換，我變咗父母，要擔心佢哋太攰／太悶、食太多或太少、着唔着夠衫。但係可以同父母一齊旅行，係一種好幸運嘅事。

我們努力工作、拼命存錢，總以為「等有多啲假期、有多啲預算」再帶父母旅行會更好。然而，歲月並不會等我們準備好。父母的步伐正慢慢放緩，他們的眼睛開始被簡單事物感動，那些我們早已視為理所當然的經驗，對他們而言卻是彌足珍貴。
作為打工仔，未必富裕、未必時間充裕，但若能抽空陪他們走一趟，甚至只是一程地鐵、一日遊，都可能在他們心中留下深刻回憶。旅行的意義，從來不只在風景，而是那份互相陪伴的心意。

網傳旅行中伏黑名單 8大劣質景點？

睇埋：旅行有啲咩勁掃興？

延伸閱讀：【廣東話冷知識】10個港人日日講但99%人寫唔出嘅字！「蛇𠺌」、「罨耷」係咩意思？

延伸閱讀：【地震預測】426預言失準！日本專家拆解預言者嘅心理 其他預言仲信得過？

延伸閱讀：【小心中伏】騙子都轉型？新式「呃錢黨」詐騙手法大揭秘 網民：仲以為佢真係ＯＯ！

延伸閱讀：【職場熱話】一人team工作好爽！唔使同人夾、唔使講是非 不過OO就麻煩啲…

---

最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！

⏩⏩  需要請人？立即刊登招聘廣告！  ⏪⏪