Next
【恐怖上司】女上司放假照監視下屬工作 事主：搞到廁所都唔敢去
【恐怖上司】女上司放假照監視下屬工作 事主：搞到廁所都唔敢去
2023-01-05
職場上有各種千奇百怪，當中必定有種控制狂上司純粹熱愛監視一切，注視着下屬的一舉一動。近日有網民於香港討論區發文，指自己直屬上司於放假旅行期間仍然死心不息，透過公司系統監視下屬工作進度，連員工的如廁時間都進行嚴格監管。在放假的第一日便已如鬼魅般如影隨形，令事主大感無奈⋯⋯
即睇事主經歷：
事主：公司阿姐最近放大假去咗旅行，諗住佢放假期間可以Hea吓、準時收工、無咁多嘢做⋯⋯
事主：今日只係佢放假第一日，點知佢一落機就問我：「你今日做咗啲咩？」
事主：答完佢隔10分鐘又問邊個邊個有無覆Email。
事主︰雖然我會Hea住做，但都未至於連Email都唔睇⋯⋯
事主：食完飯諗住阿姐唔會再打電話嚟，點知去完廁所返埋位過咗陣阿姐又打嚟，叫我去廁所唔好去咁耐。
事主：到底點解阿姐會知我去咗廁所？我又唔係每日固定時間痾屎嘅人，點會咁都知呀？
事主：有個同事同我講，原來阿姐放假嗰陣會Mon住啲同事有無上線。
事主︰如果公司通訊個Software係Offline，但Whatsapp有Online就代表唔喺位。
事主：阿姐之前有分享過呢招畀其他Team Head，仲話萬試萬靈。
事主：好心佢放假就專心放假啦！咁都要Mon住同事有無蛇王。
事主︰搞到我依家去廁所都唔敢用Whatsapp，驚又被佢發現我唔係做緊正經嘢⋯⋯
即睇網民回覆：
網民：樓主你係唔係好靚仔？
網民：你阿姐事業心都好重，放假都咁勤力⋯⋯
網民：你不如試吓咁諗：上下午畀個簡單Whatsapp List佢，咁佢以後可能就唔會阻止你用Whatsapp。
網民：返工係收人錢幫人解決問題，唔好掉返轉淨係諗點樣蛇王、自已呃自己啦。
網民：個過程十足間諜片咁。既然制止唔到佢，不如諗下點同佢開開心心咁玩啦！
語不驚人死不休，細數10句上司乞人憎口頭禪。
立即了解其他職場上司「暴行」！
延伸閱讀：【職場八卦】公司party玩爭凳仔搶大獎 Intern小薯贏咗但竟然得罪咗女上司？
延伸閱讀：【職場文化】上司話請大家食飯 事後卻要大家夾錢 網民：佢意思係「邀請」！
延伸閱讀：【新冠肺炎】確診被上司叫WFH照常工作 上司確診就叫下屬唔好阻住佢休息！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!