Next
【聖誕Party】HR告知未過試用期無得抽禮物 樓主：使唔使咁直接？
【聖誕Party】HR告知未過試用期無得抽禮物 樓主：使唔使咁直接？
2023-12-19
新入職同事未過試用期，享有的公司福利難免比其他同事少，不但年假較少，連醫療福利都未能擁有。最近有網民於香港討論區發文，指自己試用期尚未完結便應公司要求籌備聖誕派對，無奈從HR同事口中得知未過試用期的員工不能參加抽禮物環節。雖然本身對禮物抽獎沒有太大期望，但HR同事的直言直語卻令事主感到突兀⋯⋯
即睇事主經歷：
樓主：公司會有聖誕禮物同同事抽下，HR叫我幫手搞聖誕Party啲野⋯⋯
樓主：HR吹水嗰陣同我講：「你早啲入職就好啦，未過試用期無得抽聖誕禮物」
樓主：其實一直都無預自己會有份抽，正如未過試用期唔會諗有花紅一樣。唔知係HR太老實定咩原因，使唔使咁直接講俾我聽呀？
樓主：大家扮我真係咁唔好彩抽唔中咪算囉⋯⋯
即睇網民回覆：
網民：其實都正常，可能個HR比較心直口快啫。網民：佢唔一早講定先，到時抽到你又會點呢？先小人後君子嘛。
網民：咁HR嘅職責就係講清楚公司嘅政策俾員工聽嘅⋯⋯
網民：直情Christmas Party唔使返工。
網民：間公司嘅聖誕禮物應該好有份量，如果唔係唔使訂啲咁嘅規矩。
網民：一份抽獎嘅禮物最多咪值一百幾十蚊，依家啲公司真係縮骨。
網民：雖然個政策係肉酸啲，有啲公司第一日返工係當月生日，都會同佢切蛋糕慶祝生日。
網民：趁未過試用期快啲Quit啦，唔Quit當日都要射波！
網民：我公司都係，未過試用期無得抽聖誕禮物，直接俾$2000 現金。
網民：可能人人有份，所以同你講定先。未過試用期無份抽，費事到時人人有份得你無，你問就唔好啦。
臨近聖誕想出Pool？交友App五大禁忌你要知！
延伸閱讀：【聖誕職場】老細送同事一人一隻急凍火雞做節 員工：都唔知好嬲定好笑！
延伸閱讀：【聖誕職場】被迫參加公司聖誕party 老細投訴太靜 打工仔：唔識social唔使生存？
延伸閱讀：【職場趣事】公司搞聖誕Party叫同事整嘢食？網民：買幾盒18件麥樂雞！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!