【聖誕職場】疫情加流感 公司仍想搞party 提議叫到會喺位食、用視像抽獎！

疫情下的聖誕已經來到了第三年，不少公司可能都已經慢慢適應疫情下與員工的聯誼措施，不過近人的疫情有回升的跡象，加上流感漸踏入高峰期，是否減少面對面的聚會較好呢？不過聖誕沒有歡樂的氣氛，又好像欠缺了點甚麼……

延伸閱讀：【辦公時間】同事一係深夜講公事 一係清晨send訊息 同事：佢係咪太大壓力？

有網民在社交平台專頁「奴工處」上投稿，指自己的公司無論如何都想與員工辦聖誕party，所以決定採取安全又讓員工開心的方式舉行，事主分享道：「又到聖誕，由於呢排疫情回升再加流感，但公司想同大家搞聖誕party，最後決定畀張單大家點，到時喺位自己食，而抽獎用teams抽。」大家會喜歡這樣的方式與同事共度佳節嗎？

即睇網民回應：（按圖了解）

網民：「幾好呀，都有心嘅！」
網民：「其實呢幾年啲社恐同事都過得唔錯。」
網民：「講真，聖誕聯歡會你估大家真係想social咩？只係想食餐免費飯、抽個獎，而家唔使見人又冇獎抽，又衛生，最好不過啦！」
網民：「其實不如唔好勉強搞啦，折現就最好了。」
網民：「我覺得幾好喎！」
網民：「最緊要有得抽獎又有得食，喺位食仲可以煲埋劇，正！」
網民：「好過佢哋堅持要搞實體見面呀！一陣集體一齊中，聖誕齊齊隔離就最慘。」
網民：「如果係咁，不如直接WFH咁嚟搞party，咁樣我仲開心！」
網民：「呢間公司都算有心，起碼佢有budget去做呢件事又想同事開心。我間公司自疫情開始已經取消晒所有annual dinner同埋party。我只求佢唔好突然執笠就得。」
網民：「我好懷念以前實體christmas party，大家群眾壓力迫啲team head擺錢出嚟抽現金獎，而家真冇呢支歌仔唱啦。」
網民：「我公司仲係堅持要大家一齊去食自助餐……講真，我有啲驚……」
網民：「我估佢哋都唔想全部員工隔離到下年先返工！安全至上又玩得開心就好啦！」

社恐打工仔福音？
疫情之下減少了很多多人的聚會，這時很多打工仔都不禁覺得，原來減少了不必要的應酬，感覺是如此美妙！同時就反思自己是否社交恐懼，好像人愈大就愈不想應酬似的，所以就事主的情況而言，不少社恐的打工仔都覺得這簡直是福音！不用與同事們有太多的交流，卻又可以抽獎和免費到會，更有網民指，在自己的座位中各自食，還可以一邊煲劇！實在是最快樂的聖誕party！你覺得呢？

延伸閱讀：【辦公時間】同事一係深夜講公事 一係清晨send訊息 同事：佢係咪太大壓力？

延伸閱讀：【辭職學問】諗住「跳草裙舞」扮辭職 點知上司真係完全唔挽留！

延伸閱讀：【醫護熱話】診所姑娘大吐苦水 疫情下人手少 連清潔、會計都要一腳踢！

延伸閱讀：【Office豪華旅行團】物業顧問公司辦公室似私人會所 有韆鞦櫈、免費生果！

---

最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！

《愛．回家》英進招浩明專訪 棄高薪銀行工勢入娛圈 屢敗屢戰依然決心追夢

 

⏩⏩  需要請人？立即刊登招聘廣告！  ⏪⏪