【求職招聘】長短週都叫5天工作？網民分享有廣告寫WFH 但竟然……

近年出現不少求職騙案，被騙財屬非常不幸，不過未至於被騙財，都有很多「伏」工！大家在見工面試時，要好好問清楚！人工、工時、地點、待遇都要必問的項目，不要怕，這是作為求職者的權利，先了解清楚，好過日後做了一日才辭職吧？

延伸閱讀：【卡塔爾世界盃】唔識睇波 怕喺職場冇話題？偽球迷秘笈你要知！

有網民在社交平台專頁「奴工處」上投稿，指自己遇到一間不誠實的公司！真正面試時，才發覺與招聘廣告上有出入，感覺不太良好。如果大家遇到這些狀況，會果斷離場，還是先試試才決定？

+13

+12

事主：「有啲招聘廣告明明寫五天工作，本來以為份工真係筍工，點知去到見工對方先話有時返五日，有時長短週，而且8號風球都要照常返工，但明明招聘廣告本身只係寫五天工作制，亦冇提過8號風球都要照常返工，唔知大家覺得呢啲工伏唔伏？畀着大家有呢啲offer又要唔要？利申：大公司」

網民：「寫五天工作結果要長短週，真係呃人見工喎……肯定自己都知無幾多人肯先咁寫啦！」
網民：「我見Job ad寫WFH，5天工作，我問佢係一星期3日WFH定點，佢答我係逢星期六WFH……」
網民：「5天工作都叫筍？4.5先筍！」
網民：「見工時有講清楚，唔覺有伏。」
網民：「咁點解個廣告唔寫清楚啲，要見面先講，浪費晒見工者嘅時間？」
網民：「寫返『長短週』、『惡劣天氣下或需上班』有幾難？擺明知道寫咗未必有人嚟見工啦！」
網民：「做HR 的表示有得呢種伏，到你返工仲多伏等緊你，建議止蝕走人。職業操守上，對公司不利的可以唔寫，寫A其實係B，依件事好差。」
網民：「試過見工時話長短週，點知水咗入去做所謂嘅長短週，一日要返足全日，另一日都要返到下晝，伏呀！」
網民：「人工、工時、地點、待遇唔係基本嘢？見好多招聘都唔會寫清楚，係咪有心請人？」
網民：「有心機咪捽吓佢點解招聘都呃人，無心機咪照走，呢啲公司求你返你都唔好返啦！」
網民：「五天工作係人權，唔係福利！」
網民：「廣告同實際情況有出入，誠信有問題嘅公司，你覺得還會好得去邊？」
網民：「返幾多天好基本info，呢啲已經浪費咗求職者嘅時間同車錢。」

面試見真章
事主的經歷引起不少網民的討論，更有網民分享自己更「伏」的經驗，指：「我見Job ad寫WFH，5天工作，我問佢係一星期3日WFH定點，佢答我係逢星期六WFH……」也實在令人譁然……

不過，有任職HR的網民解釋，「職業操守上，對公司不利的可以唔寫。」所以招聘廣告上的種種不能盡信太多，到面試時再三求證，問得更加仔細，要記住，面試除了是公司看看你是否適合的人才，都是你評估這間公司是否適合自己的機會，大家是平等的，了解清楚，可以保障自己！

延伸閱讀：【卡塔爾世界盃】唔識睇波 怕喺職場冇話題？偽球迷秘笈你要知！

+23

+22

延伸閱讀：【職場文化】最怕收到唔熟同事嘅紅色炸彈！網民：有幾難拒絕？

延伸閱讀：【心理測驗】一圖測試你有點樣嘅致富能力！你下一世想做咩動物？

延伸閱讀：【職場禮儀】同事做錯嘢 應唔應該喺group開名指正？網民反應兩極！

⏩⏩  需要請人？立即刊登招聘廣告！  ⏪⏪