Next
【躺平文化】躺平才是人生贏利組？事主：反正買唔到樓，有錢去旅行好過
【躺平文化】躺平才是人生贏利組？事主：反正買唔到樓，有錢去旅行好過
2023-12-11
躺平模式（Goblin mode）日前被英國牛津字典票選為2022年代表字，意指許多上班族因拼命工作仍未能看到前景，於是主張消極工作，索性「躺平」。最近有網民於香港討論區發文，指現時在香港工作雖然穩定但前途不明朗，收入高不成低不就，足夠日常開支有餘又未能買樓上車⋯⋯既然全力拼搏亦沒有出頭天，倒不如安分守己，庸庸碌碌直至退休。未知一眾網民又是否贊成這種新興職場風氣？
即睇事主經歷：
樓主：打份工注定無得升，搵兩三萬人工就算。
樓主：同屋企人住唔結婚生仔，畀幾千蚊家用，等良心好過啲就算⋯⋯
樓主：反正一定買唔到樓，有閒錢不如留返去旅行好過。
樓主：咁嘅人生其實仲有乜嘢意思？
即睇網民回覆：
網民：做人使乜咁有意思？最緊要開開心心又一日，我不嬲好支持人躺平，不過我奴性重，所以努力工作上位躺唔到。
網民：人生嘅嘢係咁㗎啦，你係咪有咩誤會？你以為努力做嘢，老闆就會睇中你？
網民：月入三萬左右，住屋企，零進修。個個月都會賭，有錢贏就食好啲玩好啲；無錢贏就下個月再嚟過。
網民：月入兩三萬都叫躺平？知唔知兩三萬港紙一個月喺呢個世界嚟講生活水平有幾高？
網民：月入兩三萬基本上同搵萬五蚊無分別。同你搵萬五蚊差唔多，生活質素無變過、樓都係供唔起、老婆又養唔起⋯⋯最多可以去多幾次旅行。
網民：得嗰少少人工唔通為公司搏餐死咩？輕輕鬆鬆打份工，個個月準時出糧，放工放假就攪自己嘢，有時返工做埋自己嘢都仲得！
網民：大把人無料靠運上位；亦都大把人有料無運上唔到位。知自己唔夠料選擇躺平，都叫搵到自己位置。
網民：公司都有班後生諗住成世喺度搵萬四萬五，做到退休就算。唔進修、唔想升、唔想轉工；公司好少升職機會、加人工少、唔會炒人⋯⋯
網民：你搞錯咗個因果關係，唔係躺平無意思，而係無意思先躺平。
網民：點解做人要有意思？本身做窮人出世就係注定做社會底層。咁嘅人生唔要都罷，合埋眼生存就算⋯⋯
躺平文化逐漸普及？即學5招避免躺平文化。
打工仔投稿，表示一直獲上司重用，但自己卻不願意走到更高的位置。立即按圖了解更多！
延伸閱讀：【躺平主義】常獲上司提拔但唔想上位 網民籲：唔好後悔就得
延伸閱讀：【躺平文化】只求返工等放工 打工仔求點醒︰可唔可以激勵吓我？
延伸閱讀：【躺平文化】打工仔不解點解要上進 網民：生活要點過自己揀、自己負責！
延伸閱讀：【只想躺平】唔想返工但唔知想做咩 打工仔呻：長期唔知自己想點
最新專訪片︰
【Office豪華旅行團】物業顧問公司辦公室似私人會所 有韆鞦櫈、免費生果！
《愛．回家》英進招浩明專訪 棄高薪銀行工勢入娛圈 屢敗屢戰依然決心追夢
Look out for further updates on our Facebook fan page!
Follow CTgoodjobs for the latest career news, hot topics and recommended jobs!