Next
【職場熱話】返工壓力大到會無端端喊 網民：影響建康一律建議轉工
【職場熱話】返工壓力大到會無端端喊 網民：影響建康一律建議轉工
2024-03-12
每個人都會有工作壓力，但如果因工作壓力而引致情緒問題，則可能要考慮這份工作是否真的適合你。有網民於社交媒體專頁「奴工處」投稿指，最近工作壓力太大，有時候甚至會突然間忍不住哭泣。一眾網民在帖子留言，認為這些情況已嚴重至影響健康，勸籲樓主考慮轉工。
延伸閱讀：【職場熱話】返工不宜太上心！平常心面對就可以保持正面 網民：返工搞到有心理問題根本得不償失
按圖睇投稿人及網民回應：
投稿人：呢排返工真係壓力好大，日日放咗工都會去公園行一陣先返，有時Emo到會喊出嚟……其實我係咪要轉工啦？
網民A：影響健康一律建議轉工。
網民B：轉工，唔好為咗份工影響身體，唔值！
網民C：做得唔開心咪轉工，何必委屈自己？
網民D：世界上唔會淨係得一份工。
網民E：當年畢業後第一份工都係咁，有時要OT到8點，嗰陣坐喺餐廳食食吓嘢，覺得人生真係好冇意思，唔知究竟係到做緊乜咁，後尾做咗兩三年都走咗啦。
有時直接轉行可能會搵到適合自己嘅工，加油！
網民F：天下烏鴉一樣黑，但總會遇到啲無咁黑嘅。而且最起碼有入職嗰幾個月嘅honey moon。
網民G：休息一吓先再出發啦！
網民H：要視乎係咩問題。工作量？工作性質？同事關係？定其他？同上司傾傾先再做決定啦。
網民I：轉啦，即刻睇求職網站，準備resume，㩒制send出去嗰吓個人已經唔同咗，放假再去吓day trip散吓心。
網民J：日日返工都唔開心，轉過一份吧！返工已經夠慘，仲要返份壓力大同唔開心嘅工，會好似坐監咁！我而家就邊做邊搵，搵到新工會博而家份工炒我，補多個月畀我仲好！打工切記唔好同公司講感情。
網民K：如果冇需要堅持嘅理由，錫自己吧。
網民L：唔使問都知要轉工，有錢就祼辭慢慢搵，無錢就騎牛搵馬。
如果工作太上心，時時刻刻追趕永遠不可能做得完的工作，又擔心自己的表現是否完美，很容易便會被工作壓力壓垮，導致有情緒問題。無法控制情緒、持續感到低沉鬱悶，是抑鬱症的症狀之一，如果可以，最好當然是及早求醫，並遠離導致情緒低落的因素（工作）；或與上司討論工作壓力導致的情緒問題，看看公司是否可以作出一些特殊安排。
睇埋9種紓緩工作壓力的方法：
延伸閱讀：【祼辭生活】因情緒問題祼辭 驚覺壓力煙消雲散 事主：開心真係無價！
延伸閱讀：【職涯規劃】月入5萬想辭職休息 28歲事主：返工10年失工作意義
延伸閱讀：【2024職場趨勢 | 溝通】Z世代拒絕「安靜離職」！信奉Delulu精神 以玩心精神享受工作樂趣！
最新專訪片︰
【星級斜槓族】ViuTV女神沈殷怡棄律師入娛圈 自認變態喜歡考試 曾有一刻後悔入行？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!