Next
【寒冷天氣警告】男同事怕凍着絲襪嚇窒打工仔 三招返工保暖法寶
【寒冷天氣警告】男同事怕凍着絲襪嚇窒打工仔 三招返工保暖法寶
2022-12-15
近日天氣嚴寒，天文台甚至發出寒冷天氣警告，為求保暖一眾打工仔都用盡方法，羽絨、頸巾、手套等禦寒衣物悉數出動。不諳穿搭技巧的人或會將所有厚重衣物穿着上身，打扮得像糭一般厚實，但數到最令人不解的禦寒衣着又是甚麼？最近有網民於網上平台香港討論區發帖，指上班時目睹怕凍男同事穿着黑色絲襪，場面令人咋舌。
即睇事主經歷：
事主：今日返工見到個男同事，遠睇以為佢着住條黑色褲
事主︰點知近睇先發現，佢係着住條短褲，短褲入面再加條黑絲。
事主：望清楚之後真係好頂唔順，又唔可以直接話佢咩。
事主：我問佢做咩咁着，佢就話因為好凍，着住條絲襪無咁凍。
事主：如果真係怕凍嘅話，着長褲唔好咩？
事主：佢呢種衣着風格真係好難令人接受！
即睇網民回覆：
網民：無着喺個頭度算係咁㗎喇！
網民：可能佢想做做吓嘢走去沖奶茶啩！
網民：以前啲人會叫男人打底褲做虧佬褲，原來依家虧佬褲已經進化成絲襪。
網民：着住絲襪再着長褲唔好被人睇到，咁咪仲暖囉！
網民：可能人地想Show美腿啫！
網民：咁又係，我見啲女人着到成個男人咁都真係好難令人接受。
網民：咁樣真係會暖好多咩？會嘅我都着入面，太怕凍⋯⋯
網民：其實唔被人睇到都無問題嘅，睇到就尷尬啲。
網民：其實佢係咪想色誘你？
網民：着短褲加黑絲襪都叫怕凍？怕凍又唔着返條長褲？
怕凍想出盡法寶保暖又不想標奇立異，引人非議？即睇以下3招保暖貼士。
—選對保暖內衣
選擇保暖內衣切記留意3大要點：
第一，布料厚度，優質的保暖內衣會加入聚丙烯酸酯纖維，穿上後更覺溫暖；
第二，布料密度，布料編織密度越高越保暖，有助抵受嚴寒；
第三，纖維成份，熱傳導系數越低的纖維越能保暖，選擇最合適的保暖內衣能夠打好基礎，事半功倍。
—精明穿搭方法
着上保暖內衣後，千萬不要穿上貼身的衣物！相反，鬆身的衣物留有空間方便熱力流通，可以做到保暖的效果。接著才穿上手袖較緊的衣物，讓空氣在衣服之間流通，最後配上厚身大褸或羽絨便無懈可擊了。
—正確使用暖包
暖包是冬天的保暖恩物，要將效用發揮到極致，可以選擇將暖包貼在腰部，使腰部附近血液量較多的內臟器官溫暖起來，讓溫暖的血液散播全身，獲得暖和的感覺。
嚴嚴寒冬唔想起身？立即參考五個不再賴床小秘訣！
延伸閱讀：【職場貼士】冬天太凍點起身返工？五個秘訣令你不再賴床
延伸閱讀：【區區打工仔】屯門跨區返港島 打工仔: 兩個地區溫差好大 唔識點着衫
延伸閱讀：【讀者投稿】重返Office連環不幸事件 無廁所水、冷氣太凍、等車有排等……
Look out for further updates on our Facebook fan page!
Follow CTgoodjobs for the latest career news, hot topics and recommended jobs!