Next
【職場八卦】老闆唔認得自己 利市收Double 事主：咁係好事定壞事？
【職場八卦】老闆唔認得自己 利市收Double 事主：咁係好事定壞事？
2024-02-08
每逢新年，老闆都會向員工派發開工利市，寓意員工在新一年的事業上得到佳績。而重複收到開工利市未知是否代表雙喜臨門？近日有網友於香港討論區發文，指公司同事的開工日子各有不同，老闆連日都有前來派發開工利市，豈料老闆似乎忘記已向事主派利市，竟然重複向其派發，令事主受寵若驚。然而工作多時仍未得到老闆注意，又應否感到慶幸⋯
即睇事主分享：
事主：呢幾日返工，老闆都有嚟派開工利市，因為唔係所有同事都同一日開工，有啲仲放緊假未返。
事主：但係老闆好似唔認得我，呢幾日都走嚟派利市畀我，仲問我拎咗未。咁我就梗係話未拎啦，咁樣又收多封開工利市啦！
事主：有啲同事佢認得，記得派咗，佢會話「噚日咪派咗畀你~仲想拎利市？」。
事主：咁老闆唔認得我到底係好事定壞事？做咗咁耐但老闆都唔知我係邊個。但另一方面又收多封開工利市⋯⋯
即睇網民回覆：
網民：放心，派利市唔認得你；升職嗰陣都會唔記得升你。不過可以𢭃多好多封嘅話都係好事嚟！
網民：其實一間公司咁多人，點會個個都認得？
網民：點會唔認得？原本打算升你職，不過要試吓你係咪誠實⋯⋯
網民：會唔會係老闆認得你，特登試吓你？
網民：你諗多咗喇。佢唔係唔認得你，係廢事理你。
網民：到老闆要搵人接豬頭骨或者開刀，就會想認識你。
網民：你以為啦！老闆好醒目㗎，試吓你加人工就冇份咁咪仲弊！
網民：個個同事都派嘅開工利是都唔會大封得去邊。你應該同老闆講「你派咗利市畀我喇，但都再恭喜你新年快樂。」咁樣老闆之後會記得你。
萬一遇上厚面皮同事聯群結隊來𢭃利巿，你又可以點做？以下有5個方法或可幫助保護你的荷包！（按圖了解）
1：單獨食Lunch
2：爭取外出機會
3：隱藏已婚身分
4：設利市限額
5：私人原因
同場加映：打工仔𢭃利巿攻略（按圖了解）
1：成群結隊 攻略不同群組
2：袋定幾句祝福語傍身
3：常備賀年糖果
4：不要帶飯
5：邀約已婚人士開會
6：來者不拒
即刻按圖了解更多新年職場矛盾。
延伸閱讀：【職場趣事】陌生同事行埋嚟拜年 事主：兜個圈話我個樣老似已婚人士？
延伸閱讀︰【新年職場】公司請食開年飯 點知同事闔府統請 帶一家大小出席？
延伸閱讀：【新年職場】打工仔大嘆 拜年仲攰過返工 網民：你仲後生！頂住！
最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!