Next
【職場文化】返工老奉要埋堆？網民：返工為錢咋！
【職場文化】返工老奉要埋堆？網民：返工為錢咋！
2024-12-20
常言道：「出到嚟社會，識人好過識字。」打工仔甫進入新公司便要把握時間結識新同事，與同事打好關係。而那種不喜於聯群結黨的同事就只會遭受冷眼。近日有網民於網上討論區發文，指自己最討厭有種同事於辦公室自成一角，不主動結識同事，午飯時間更無視其他同事，獨坐茶水間一角預熱飯盒。然而帖文一出，網民的負評接踵而來，反指樓主思想幼稚⋯⋯
即睇事主看法：
樓主：返工永遠有啲人唔埋堆，人哋大班人食Lunch有講有笑，佢就坐埋一邊自己叮飯。
樓主：最憎依啲人怕怕醜醜咁，完全唔想同同事進一步友情⋯⋯
樓主：平時有傾有講，做嘢唔會開心好多咩？
樓主：我喺度諗，如果我公司全部都係呢啲人，咁返工真係比死更難受！
樓主：最怕悶同埋懶斯文怕醜嘅人！
即睇網民回覆：
網民：其實有咩問題？人哋返工就係唔想同你呢啲八公Social咋嘛！
網民：無計，班同事個樣三尖八角，真係一啲都唔想有交流⋯⋯
網民：係要做個小圈子當班少數係怪人圍埋講人哋事非⋯⋯做乜唔講下你哋圍內嘅是非呢？係咪日日踩人笑人你心理先得到平衡？
網民：男人堆、女人堆都係咁煩，有好多人就係唔想煩呢啲社交。
網民：有時唔係唔想埋，但都要啱傾先埋到㗎！無共同興趣點。
網民：老奉要埋你堆？以為自己係邊位呀？
網民：返工為錢啫，唔係為埋堆。啲同事最好當我透明，唔使煩！
網民：有無諗過人哋根本唔Care你諗乜？啱傾咪傾，唔啱傾咪罷就。返工係搵錢呀大佬，唔通為咗埋你堆？
網民：同同事進一步友情？樓主其實係咪無朋友？
網民：Office好多呢啲人，你鍾意埋堆咪搵人埋，做乜要話人唔埋堆？
如何令新同事更快融入公司？即睇10個結識新同事要點。
延伸閱讀：【職場熱話】全女性辦公室 是非特別多？ 埋堆曬命係日常？
延伸閱讀：【職場人際】做獨行俠被女同事無視 事主：返工係做嘢定講八卦？
延伸閱讀：【職場文化】公司成日要求做粗重嘢 事主：想反面唔做⋯⋯
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!