Next
【職場是非】新工同事鍾意講是非 事主：感覺似被孤立⋯⋯
【職場是非】新工同事鍾意講是非 事主：感覺似被孤立⋯⋯
2023-01-03
好的開始是成功的第一步，入職新公司便要盡快與同事打好關係。萬一於蜜月期期間仍未能融入同事群體，日後工作上或會諸多不便。近日有網民於網上討論區發文，指自己三個月前開始到新公司工作，無奈因為年紀差距一直無法與同事混熟，加上同事們喜歡講是非，令自己每天上班都隱約覺得被同事孤立⋯⋯
即睇事主經歷：
樓主：份新工返咗差唔多3個月，最大問題係與同事唔熟，有隔膜。
樓主：佢哋好鍾意講是非，一日到黑係咁講⋯⋯
樓主：而且同佢哋有明顯嘅年紀差距，每日返工覺得好似被孤立⋯⋯
樓主：越嚟越覺得再繼續返呢份工非常無癮⋯⋯
即睇網民回覆：
網民：你搞清楚返工係為咩先？如果份工唔好Pay，畀你日日快樂工作，到月尾要找數就唔Happy啦。班同事鍾意講是非你咪唔好同流合污囉。
網民：職場就係戰場，同事只係熟悉嘅陌生人，係特定場合嘅拍檔，夠鐘收工就走人，好合理。
網民：如果份工Good Pay，對你之後將來升職有用咪繼續返。佢哋講咪由佢講，反正出咗公司門口就係陌生人，唔使諗咁多嘢。
網民：返工都係為咗錢，有錢可以搵份做得開心嘅工。無錢先要向現實低頭！
網民：經濟無壓力就唔好做，同事之間唔夾真係會好辛苦！
網民：你改變吓衣著風格襯返佢哋年紀會唔會易埋堆啲？
網民：記住，唔知頭知路唔好隨便同同事露低牌。
網民：我明你心情，我返咗4日都係自己一個食Lunch。同同事無乜交流，但為咗家庭做住先啦，年尾好難搵工。
網民：平時積穀防饑，轉工就唔駛咁趕，轉工太趕好易搵到豬骨頭工。
網民：返工返得開心真係好重要，唔通畀壓力壓到你病同死咩？命得一條，時間又無得返轉頭，及時行樂啦！
營造良好辦公室氣氛 各人有責
新同事未能融入舊同事群體固然需要檢討。但與此同時，舊同事亦應該在新同事入職時多加指導及包容，避免聯群結黨排擠新同事，同事之間方能建立良好關係。唔想同年輕同事有代溝？即睇4個與年輕同事溝通要點。
延伸閱讀：【是非之地】以為細公司少是非 點知係是非黑洞 網民：有人就有是非
延伸閱讀：【職場熱話】全女性辦公室 是非特別多？ 埋堆曬命係日常？
延伸閱讀：【職場是非】講上司壞話遭對方發現 打工仔：佢一字不差複述我講嘅嘢⋯⋯
Look out for further updates on our Facebook fan page!
Follow CTgoodjobs for the latest career news, hot topics and recommended jobs!