【勞工法例】新入職要一個月離職通知期?僱傭合約咁寫有冇問題?

【勞工法例】新入職要一個月離職通知期?僱傭合約咁寫有冇問題?

進入新公司前,普遍打工仔會與僱主簽訂僱傭合約以保障雙方權益,但合約條款普遍由僱主制訂,僱員如果稍有不慎就會墮入求職陷阱。最近,香港討論區有一名打工仔哭訴,指早前簽約入職時發現所有員工於辭職前皆要給予一個月通知期,新員工如是,大叫中伏。坊間常有「入職後一個月內可以即走」一說,究竟這間公司的做法有沒有問題呢?

延伸閱讀:【辭職學問】合約於離職後依然有效力?!3個常見離職後的限制條款

即睇發文者分享及網民回應:(按圖了解)

事主:我返新工見到張contract,點知份約話,係唔係都要1個月通知,無論你返咗幾耐!頂!下次見到誓死唔簽,係我傻仔,一心以為份工作會啱自己,點知大伏。唉……焗住硬頂佢一個月。

網民:當你傻仔恰你咩都唔識。
網民:咁你返工見到張合約都可以唔簽呀,點解要焗住自己頂一個月呢?
網民:下次唔好簽啦!
網民:無人叫你頂,直接唱散紙放低一個月咪即閃!
網民:正常一個月內可以即日通知,唔做就可以走人!
網民:仲無良過我先前做冇耐那間公司。正常工,一月內即日通知,一個月後七天,三個月後就一個月,但我那間公司合約講做了一個星期已要七天,一個月已經要一個月通知,已經夠衰,通常係啲衰公司知道難請人先會咁對新員工。
網民:我而家份工一開工就3個月通知啦!其實公司驚過你,請咗條友返來,做唔到嘢都要硬出一個月人工畀佢。你最多就畀人lock一個月,最多hea做,唔通老闆夠膽打你一身咩?
網民:返新工前無試用期?一嚟就簽?佢都好無保障,點知請咗個咩人……提下你公司HR啦。

「試用期」安排影響通知期

坊間「入職後一個月內可以即走」一說並非誤傳,根據《僱傭條例》(香港法例第57章)第6條(3A)款,在試用期內,「即使合約已訂明通知期,任何一方仍可在該僱傭的首個月內隨時終止該合約,無須給予通知或代通知金」。

如果《僱傭條例》允許首個月即走,那麼新入職員工辭職要一個月通知期是否違反法例呢?這未必違法,因為僱主有權不給予新員工試用期。如僱傭合約沒有訂明試用期,員工必須遵守合約中的通知期條款,在離職前給予足夠通知期或代通知金。假如無試用期合約期欠缺離職通知期的明確規定,所有僱員必須給予不少於1個月通知。

眾網民認為,企業不設試用期是源於員工流失率高企,所以出此政策在特定時間內鎖定生產力;但不少留言另指,如果員工不適合,企業也被迫要支付一個月薪酬,可算是雙輸局面。

畢業生記緊要保障自己,試用期呢3件事唔可以唔知啊!(按圖了解)

延伸閱讀:【勞工法例】12個僱傭合約常見部分

延伸閱讀:【勞工法例】返新工HR遲遲唔肯簽約 打工仔2日後被辭退 白做無糧出?

延伸閱讀:【勞工法例】公司擅改僱傭合約 減薪扣大假令員工不滿

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;