網上面試做齊五件事，讓面試官「鍾意」你
常有人「放負」：「面試官鍾意你就鍾意你，唔鍾意你就唔鍾意你啦！」通常後面還有兩句：「咁佢唔鍾意我，我都無辦法！」
「ＸＸ你就ＸＸ你，唔ＸＸ你就唔ＸＸ你」……其實是「萬能Key」，句子本身沒有甚麼意思，反而我會問：如何令面試官鍾意你，尤其在網上面試時？
別焦急，幫緊你！幫緊你！不如用五個「S」來幫你？（「學生聽書就聽書，唔聽書就唔聽書」，所以我呢Ｄ教書先生慣咗咩鬼都Group埋一齊搞到懶咩咁！）
- Straightforward
面試是限時討論，不是真的限時，但坐對面聽你說話的人耐性極有限，更重要是網上面試，大家的注意力比傳統面試更低，大部份同事又視面試為浪費時間的工作，話題千篇一律，求職者總是自吹自擂。如果你總是由中、小學講起，漫無邊際，阻碍「收工」、「下一位」，想令人「鍾意」都幾難。
所謂Straightforward，又不能說問一句答一句（我真係見過有人回答「你喜歡睇足球嗎？」這問題時答「喜歡！英超！」然後「收工」，我真係見過！）不要太長，又不能短？簡單地說：對方對你的成長過程沒有興趣，他要的是其中與工作表現有關的特點……最好你直接提供，故此，一句話總括：「講Learning唔好講過程」！
- Slow
當你的心跳每分鐘130時，你以為語速適當，其實已經偏快，加上網上面試，收音、播音雙方面的質素可能要打折扣……。其實，「有口話人無口話自己」（像極了我的婚姻），我這種教書先生常被學生投訴語速太快，雖然習慣難改，但只要在句與句之間稍稍停一停，幾分之一秒都可以，面試前練習一下，效果立竿見影。
- Supportive
面試是對話，但並不平等，何況現在我們談的話題是「讓對方喜歡你」。因此，請留意不要「一言九『頂』」，雖未至於做「Yes Man」，但不要第一句就「No」。「公司的主要市場在日本」……「點解唔去韓國市場」；「你的英語能力不高」……「點會唔高？我好多外國Friend」。
有時候，「由同意到反對」一定比「由反對到反對」更容易拉近距離（再講一次：像極了我的婚姻），例如「日本市場真的很重要，附近的韓國也可以留意一下」（我明啦！你想轉話題講你識韓國市場嘛！）、「我同意，香港中英並重；當然，如果有第三語言就更好」（我又明！你想講你鍾意K Pop識韓文嘛！CV睇到啦！）。
- SKILLFUL
其實與第三點很相似，再要說的話就講到有時求職者說話會「東一舊，西一舊」，加上在網上面試時，面試官家中寵物、廚房煲湯都可以令對方分神，求職者主動組織自己的話，讓對方更容易分類、評分，是雙贏的做法。
「以上係我最近做的一個Project的詳情……呀！仲有一點有關呢個Project的，係剛剛講到第二和第三點中間，我……」如果我咁樣教書，唔俾學生「e爆」就奇。
應該怎樣做？多分點，分點加點包裝，本篇五點，用五個「S」包裝起來，就是最好的例……自吹自擂，像極了追求！
- Smile
如果你問我有哪一個S最重要，非「Smile」莫屬，君不見我們在談要人家「鍾意」你嗎？尤其對著鏡頭的網面，有無人講過你「唔笑時好鬼惡」？（其實大部份人唔笑時會好惡）。微笑背後包括心理質素的反映，還有溝通質素的提升，微笑道出的好東西，肯定會獲得加分（除非唔會）！
記住，是Smile，不是Laugh！
唔好話人「萬能Key」，五十步笑百步，仔細想想……以上五個「S」，改題「做齊五件事，改善夫妻關係」給自己同樣合用。
以上內容及資料僅屬個別作者的個人意見，並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Follow CTgoodjobs for the latest career news, hot topics and recommended jobs!