Next
【薪酬待遇】同工不同酬 上司指唔小心寫錯appraisal 打工仔即走︰唔會再被佢搵笨！
【薪酬待遇】同工不同酬 上司指唔小心寫錯appraisal 打工仔即走︰唔會再被佢搵笨！
2022-09-22
人工是職場上「不能說的秘密」，正所謂「有比較就有傷害」，如果同工不同酬的情況發生在自己身上，你又會如何應對？
最近有打工仔投稿，正正發生了同工不同酬的情況，直接詢問上司後，事主更氣得立即遞信辭職。
按圖即看事主經歷︰
前排公司做appraisal，上司話我表現好好，又講到明公司有錢賺、外面經濟又好返啲之類嘅說話，所以預告會有8-10%嘅人工加幅。當時我真係好開心，始終早兩年同公司捱完，今年終於有返啲回報。
不過，之後正式出信，我見到個數字即時嚇咗一跳，以為自己睇錯！加幅得1%咋！！我即刻同啲熟嘅同事講，佢哋都有6%左右，雖然比預期少咗啲啲，但都起碼合理吖！
放工嘅時候，我同個朋友一齊走，佢喺隔籬team做，同我同title，年資都差唔多，本身人工都差唔多，但佢話佢加咗足足15%！初時我都以為係佢條team表現特別好，加得多啲，但佢話佢啲同事都係6%左右，唔知點解佢特別多。
嗰晚我返屋企，嬲到已經打定辭職信；第二日我都忍唔住直接問上司，點解我個加幅同其他同事差咁遠，佢仲扮晒嘢話「點會呀？」、「有咩可能呀？」，然後就解釋「自己可能寫錯appraisal喎」、「可能睇錯咗喎」。其他人又唔見你寫錯？
當時我仲好聲好氣，問佢︰「有冇可能加返個啱嘅數？」但佢竟然講︰「可能要到年尾appraisal先得喇，依家都定晒。」嗰下我真係嬲到忍無可忍，直接遞信！扣埋大假，兩個星期左右就走得！唔會再被佢搵笨！依家你做錯喎，點解仲要我做多幾個月廉價勞工呀？！
延伸閱讀：【職場熱話】不滿被投閒置散 感自己懷才不遇 網民：有人工又準時放工仲想點？
近年全球打工一族流行安靜辭職（Quiet Quitting），而企業亦隨之以安靜解僱（Quiet Firing）應對，即睇以下7招，檢視你公司有冇做出以下行為。
有些打工仔希望與前公司、上司及同事保持良好關係，相信以下10個常用告別短句能夠助你一臂之力。
延伸閱讀：【轉工跳槽】Last Day後大感不捨 打工仔︰感恩遇到好同事，可惜間公司……
延伸閱讀：【職場熱話】返工第一日即quit 打工仔︰已經feel到人事好複雜
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!