Next
【職場八卦】遇鬼剃頭被老闆當眾要求轉髮型 班同事聽完仲喺度忍笑⋯⋯
【職場八卦】遇鬼剃頭被老闆當眾要求轉髮型 班同事聽完仲喺度忍笑⋯⋯
2023-04-26
根據網民分享，不少迷信的老闆都有一些奇怪的決策，例如拒絕聘請某生肖或某月份出生的求職者。不過，連員工髮型都要嚴格規管的老闆，你又有否遇過？
有網民於香港討論區發文，指自己老闆一向迷信風水命理，更會留意每位員工的生日、五行，甚至星座，讓人倍感壓力。直至近日與一眾同事午膳時，閒談間被老闆發現自己遇上「鬼剃頭」（醫學名稱為「斑禿」）問題，即被當眾建議轉換髮型⋯⋯
即睇事主經歷：（按圖了解）
事主：真係越諗越激氣，我老闆平時已經好迷信嗰啲生肖命理、星座之類嘅偽科學。
事主：噚日成班同事一齊食飯嘅時候，傾開唔知邊度，老闆就話睇咗篇文，話我個頭叫「鬼剃頭」，運程嚟講係一生中最差嘅時間⋯⋯
事主：我聽完真係唔識點反應，佢仲叫我執執個頭，唔好再由佢咁樣。
事主：我知佢嘅衝口而出有可能係來自長輩嘅善意，或者只係食飯嗰陣搵啲話題傾，但其實佢有無諗過咁講嘢係會Hurt到人呢？
事主：當住咁多人面前講啲咁嘅嘢，我都有偷瞄到班同事喺度忍笑、扮聽唔到，其實個心喺度恥笑我。如果我第二日真係轉咗個髮型，咪被班同事再恥笑多次？
事主：今次唔知老闆係咪認真，但都想同大家講「真係唔好入啲老闆好迷信風水命理嘅公司！」
事主：除咗你個名、生日、五行、太陽月亮星座，連你坐個位同埋髮型都要管埋，真係好麻煩！
即睇網民回覆：（按圖了解）
網民：見樓主都講自己個情況係鬼剃頭，應該都係來自壓力，咁樣到底關風水命理咩事？
網民：試過有一排被老闆叫唔好着紅色嘅衫返工，連外套嗰啲都唔得。所以到依家全公司都無人掛福字月曆。
網民：聽過有公司老闆會按員工生肖嚟計開工吉時，新年假後返工當日大家都會準時返到Office，但就按唔同生肖順序去開電腦，有啲同事9點，有啲就10點，所以如果未夠鐘真係可以Hea吓先。
網民：係咪老闆想試吓你咋？照計普通髮型應該唔會有問題⋯⋯
網民：一於染金晒啲頭髮佢啦，順便利埋財運。
網民：咁依家諗住留長頭髮定剃光晒佢？你老闆見到你剃光個頭會唔會直接炒咗你？
網民：老闆開到聲你就要配合㗎啦！除非你唔係想喺度發展。
網民：呢啲說話未必啱你聽，但咁樣講都係出自關心。好似同個女仔講叫佢減肥，佢實有啲Hurt，但總好過佢仲以為自己好靚。
網民：如果老闆肯負責我每次剪頭髮開支嘅話，咁我又願意改！
不少醫學研究均發現「鬼剃頭」的患者是人體免疫系統出現了問題，患者大多同時飽受情緒問題困擾，當工作出現沉重壓力，就有機會影響個人情緒；當壓力過大導致頭部血氣運行不暢，便會造成「斑禿」問題。想避免遇上斑禿問題，不妨從根源入手，學習一些紓解工作壓力的秘訣。
即睇5個紓解工作壓力小方法：（按圖了解）
即刻按圖了解更多職場八卦！（按圖了解）
延伸閱讀︰【職場八卦】懷疑同事去完廁所唔洗手 事主：以後唔再接佢Pass過嚟嘅文件！
延伸閱讀︰【職場八卦】00後Fresh Grad同男朋友鬧交 喺公司大吵大鬧 最後連試用期都過唔到？
延伸閱讀︰【職場八卦】打工仔因為化妝成為公司女同事們嘅「批鬥」對象？網民：轉工啦，班女都黐線！
延伸閱讀︰【職場八卦】新來男同事有潔癖 返工肚痛竟然同上司講要返屋企去廁所？！
最新專訪片︰
【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Follow CTgoodjobs for the latest career news, hot topics and recommended jobs!