【職場熱話】返工第一日即quit 打工仔︰已經feel到人事好複雜

2022-09-16

人事關係在職場上的一大學問，多是非、八卦的工作環境自然令打工仔卻步，甚至令打工仔「走都走唔切」。

延伸閱讀：【職場熱話】壓力大決定裸辭獲媽媽安慰網民：要感恩有個好媽媽

延伸閱讀：【職場熱話】老闆加薪想你留低？網民：千祈唔好心軟

最近有打工仔投稿，投訴前公司的人事非常複雜，令她返工僅一日便決定辭職，她更直言︰「啲人都唔知係返工定搬弄是非？」（按圖即看事主經歷）

事主：「上星期啱啱返咗份新工，做有關美容打扮嘢嘅，所以大部分同事都係女人。本身interview時候對呢間公司印象都唔錯，環境又幾好，同HR、部門主管都幾好傾。所以轉入嚟之前都無諗過有咩大問題，以為最多只係要習慣下新環境啫。點知返工第一日，已經feel到人事好複雜，我就知道呢間公司絕對係大伏！！！」

「由我朝早坐低開始，分別有兩批同事約我食welcome lunch，嗰下我都已經覺得奇怪。之後坐喺位，不斷聽到前後左右嘅人都係講緊八卦！A又話B今日隻eye shadow好樣衰，B又話C今日個打扮好娘之類嘅說話。啲黨派鬥爭非常明顯，工作氣氛勁差，就連我第一日返工都明顯感受到。」

「所以我都無諗太多，唔希望自己每日喺呢啲環境「受苦」，所以放工前一個鐘就遞信。

雖然都有啲朋友會話我太衝動，覺得我應該搵咗工先，但我反而覺得呢個決定無錯。

畢竟我當初都係工接工，無放個break，依家咪當放自己一個短假囉。」

投稿事主在上班第一日便辭職，但原來這不是最誇張的故事，以往曾有打工仔僅工作一小時便離職。

+16

+15