Next
【電子支付】用現金畀錢被嘲落後 同事：依家個個都用電子支付㗎喇！
【電子支付】用現金畀錢被嘲落後 同事：依家個個都用電子支付㗎喇！
2023-03-17
現今世代電子支付工具發展日趨蓬勃，不少商戶都紛紛開設電子支付平台戶口，提供更多支付途徑予顧客消費；人與人之間的金錢往來亦開始依賴電子支付工具，無需找續、轉賬快速方便等優勢更是令現金的地位岌岌可危。有網民於香港討論區發文討論，指自己因覺得其他電子支付工具用法繁複，一直以來都習慣使用現金付款，豈料卻遭同事揶揄「可唔可以唔好咁落後？」。雖然事主強調自己懂得運用電子支付工具，使用現金只屬個人習慣，但一眾網民對事主的解釋又是否受落？
即睇事主經歷：
事主：我平時係一個好慳家嘅人，買嘢通常都係用現金多，好少用信用卡⋯⋯
事主：一嚟覺得要找數好麻煩，我記性又差，好易唔記得找數，最重要係我唔鍾意「先使未來錢」。
事主：所以要用信用卡嘅電子支付工具我都好少用，最常用已經係八達通⋯⋯
事主：今朝同事幫我買咗個早餐，我諗住齊頭$40畀返現金佢。
事主：點知佢問我「可唔可以唔好咁落後呀？依家唔興畀Cash㗎喇，個個都用電子支付，又唔使煩找錢、又唔使袋錢喺身，方便好多！」
事主：佢仲話真係唔明點解啲人唔好好利用呢啲支付工具。
事主：我真係好想講我唔係落後，我識用！只係我唔鍾意用囉⋯⋯
即睇網民回覆：
網民：但用現金真係好麻煩，找錢都煩⋯⋯
網民：創造潮流先叫先進，跟潮流走本質上已經叫落後，五十步笑百步。
網民：目前唔係所有店舖都可以用電子支付，仲用緊現金其實好正常。
網民：心態唔要得，要跟得上時代嘅步伐㗎嘛。你長期唔用咪會唔識用囉，遲吓喺電子支付基礎上再發展落去，你就會同時代脫節。
網民：好多公園上咗年紀嘅人都嫌麻煩費事用，寧願現兜兜一袋神沙，真係邊個得閒同你數？
網民：電子支付係大勢所趨㗎喇，樓主都要盡快適應呢個潮流。
網民：用現金真係又麻煩又污糟，人要進步㗎嘛！電子支付平台真係太方便，帳目又清楚、又可以查返自己買咗啲乜嘢。
網民：我都唔想用現金，但藥房又只收現金、茶餐廳又話唔收電子支付，連八達通機都無，唉⋯⋯
網民：我就唔會理人點講，邊樣方便就用邊樣。況且呢個議題內仲有更多更深層次嘅討論，絕對唔係一句「落後」就可以作定斷。
電子支付工具固然擁有方便快捷、節省空間等等現金欠缺的優勢，但用上手太過方便變相亦會令消費者更容易消費，造成財務困難。唔想一出糧就錢財四散，就要識得精明消費。
即睇5個打工仔慳錢大法：
即刻按圖了解更多職場八卦！
延伸閱讀︰【職場八卦】網民盤點鬧客鬧上司職業 咩工可以鬧完人仲要對方道歉？
延伸閱讀︰【職場八卦】女同事素顏返工被誤當新同事 HR：影響公司形象唔係咁好⋯⋯
延伸閱讀︰【職場八卦】每次返新工都過唔到試用期 網民：冷靜思考當初揀呢份工嘅理由！
延伸閱讀︰【職場八卦】男上司暗斥女同事婚後繼續返工好麻煩 事主：結咗婚就應該留喺屋企等老公養？
最新專訪片︰
【星級斜槓族】Win Win楊安妮無悔拒入COLLAR 感恩可平衡藝人及跳舞老師兩個身分 報名《造星IV》時竟向193示愛？！
Look out for further updates on our Facebook fan page!
Follow CTgoodjobs for the latest career news, hot topics and recommended jobs!