【面試心得】面試只係做場戲？網民贊同：我太誠實搞到冇咗好多機會

CTgoodjobs' Editor

Published: 2025-07-04

Updated: 2025-07-04 17:20

面試是懲罰老實人的環節？網上充斥林林總總的面試攻略，這是因為面試需要有技巧，有台灣網民則在網上討論區「Dcard」發文分享，自己用一個面試公式獲得至少4份工作。有網民表示，自己因為太誠實，過去錯失了多個工作機會。

延伸閱讀：【見工面試】形容自己係一個點嘅人？呢10個字千祈唔好用！

按圖睇樓主及網民回應：

+11

+10

樓主：其實面試就係要識講大話，「我性格積極正向，熱衷於研究新事物，喺朋友眼中係個幽默風趣嘅人，成日都散播正能量。我曾經參加過XX社團，做過XX職位，主持過XX活動。平時除咗去玩之外，喺研究上面都好有自己嘅諗法，碩士嘅時候自發做過XX題目，並成功說服教授接納我嘅意見。當然，我都曾經遭遇過XX困難，並以XX方法解決，得到XX成長。

以上都係我曾經講過、同自我介紹相關嘅大話，我當初畢業就係用呢招拎到至少4個Offer，最後揀咗個人工高，少嘢做嘅Offer，入去正式做嗰陣都唔覺有咩唔適應嘅地方，好快就上咗手，純粹係覺得面試嘅門檻真係太高。

你可能會諗，講咁多大話唔會畀人發現咩？秘訣係你講大話嘅時候，要幻想晒成個過程同埋細節，將佢變你自己嘅回憶，咁樣就唔會有虛假感。

網民A：我就係因為太誠實，所以錯失咗好多工作機會。啱啱出嚟做嘢嗰陣唔識，以為老細會鍾意老實人，直到面過幾次試之後，發現老細鍾意嘅其實係會演戲嘅人。

網民B：真係㗎？我次次面試都老實講㗎喎！

網民C：冇錯，就算係不擇手段都要拎到個Offer，但至於可唔可以喺公司生存到，就要睇你自己造化。

網民D：做嘢就係咁㗎啦，你唔知咩？

網民E：冇實力、冇記憶力，又唔識講嘢嘅我覺得面試好難……

網民F：我18歲半工讀嘅時候，就已經意識到返工係要戴假面具。

網民G：現今社會就係要越識包裝自己越加分嘅。

網民H：好慚愧，我都係最近先知可以咁樣做，同埋原來對方真係唔太會去查呢啲嘢係真定假。

網民I：就好似啲公司董事長同股東報告嗰陣，好多時都唔係實際做咗啲咩，而係要令股東相信你做到啲咩。

當每個人都會在面試中使用特定的面試技巧，而只有你自己老實回答的時候，往往會顯得你並不是最適合的求職者。除了回答技巧外，眼神交流亦非常重要，即睇面試時的7個眼神交流技巧：