Next
【見工面試】拒絕公司邀請 竟被HR鬧返轉頭？「出嚟做嘢，仲咁囂張！」
【見工面試】拒絕公司邀請 竟被HR鬧返轉頭？「出嚟做嘢，仲咁囂張！」
2024-04-02
歌仔有得唱「莫道你在選擇人，人亦能選擇你」，求職者選擇工作崗位時，公司亦在市場上尋找適合職位的人選。有台灣求職者在網上討論區Dcard分享個人經歷，指有公司邀請自己參加工作面試，多次拒絕後，該公司的人力資源從業員（HR）竟然罵人：「出社會工作，還這麼囂張！」
點圖即睇事主個人經歷：
事主：「我喺一個求職網站，一直收到同一間公司嘅面試邀請，因為覺得好困擾，都確實對餐飲業冇乜興趣，所以喺第3次拒絕之後，又補返一句『對餐飲業沒有興趣，請不要一直重複發通知給我，謝謝。』
對方HR就直接鬧我，真係好無語，呢啲公司可唔可以直接執笠？我自己都有做過HR，但唔係好專業嗰種，Send邀請之前，我都會睇吓紀錄，我覺得連續邀請2次好唔合理囉。可能我嘅態度唔算非常有禮貌，但我唔覺自己冇保持基本禮儀？好正常咁表達對個行業有興趣，以及佢哋都一直Send邀請畀我，都造成我嘅困擾。
明明我係請同謝謝，佢哋會配對到我，肯定係因為我考過日文證書。正常公司重複Send邀請過嚟，都會話『唔好意思，打搞晒！』佢直接寫段日文畀我，話『都出社會做嘢，你態度都好囂張喎！我覺得咁樣好唔得囉！咁唔鍾意咪退出求職網站囉！如你所願啦！我哋服務業先唔會用你呢啲人，為你帶嚟困擾真係唔好意思喎！』
因為我覺得佢好寸，所以有去Report嗰邊，啱啱打開求職網站，發現個Post已經冇咗，唔知係咪因為我Report咗，希望呢啲咁嘅公司可以越來越少！」
網民回應：
A/段日文真係好冇禮貌，又唔係唔知，台灣有好多人學日文，仲要係睇得明。
B/佢啲日文好差，咁都學人做HR！
C/如果呢個人係真係日本做過嘢，佢第一句一定係話「因為我嘅疏忽，邀請名單冇準備好，真係好唔好意思！」其二係，佢啲文法真係幾奇怪，半桶水，又高姿態，到底係邊間公司嘅老闆，你快啲嚟睇吓啦。
D/同時態度差又道晒歉咁，係咪精神分裂？
E/好想知到底係邊間公司。
F/漁翁撒網嘅HR真係好煩。
G/放喺現實睇，就係喺條路度突然遇到有個陌生人叫你返工，仲要問足3次，畀人拒絕仲要唔順氣，大聲話你態度做乜咁差，我哋公司唔會用你。到底邊個先係工作態度唔好嘅人？
對於事主的個案，網民都提出不同的回應，有人認為事主的回覆也有點粗魯，事主承認自己並不是非常有禮貌，但反駁該說的都有講，例如是「請」、「謝謝」等等。相反，有人支持事主，認為最有問題的是HR本人，認為他明知有不少人懂得日語，卻選擇在回覆處用日文指罵事主。有時我們會遇上，不太有禮貌的HR，雖然沒有人想加入這種公司，但正所謂「日後留一線，他朝好相見」面對這種HR，用以德報怨的方法回應更為適合。
應徵者只是做了一件事，竟然獲得了工作機會？（點圖了解更多）
即睇3個Google招聘人員取消錄取通知嘅行為！
延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！
最新專訪片︰
【星級斜槓族】Deep吳浩康為養家任地盤工人 消息衝出香港卻大呼諷刺 認為夢想與現實應並存︰「追夢唔需要捱肚餓！」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!