Next
【職場辛酸】年尾老闆扮招聘？提出1個特定要求！打工仔嘆：根本佢就唔想請人！
【職場辛酸】年尾老闆扮招聘？提出1個特定要求！打工仔嘆：根本佢就唔想請人！
2024-12-11
打工仔都希望遇上好老闆，全因這是決定工作文化的重要因素，不但能令你的工作更輕鬆，甚至對你的職涯發展有幫助。不過，並非所有人都如此幸運，能夠與好老闆工作。
在網上討論區Dcard有台灣打工仔分享個人經歷，指年末同事即將離職，老闆裝作招聘，對應徵者條件提出1個無理要求，令打工仔哭笑不得：「他根本沒想過請人！」
點圖了解更多事主分享：
事主：「話說年尾有同事遞信辭職，請人都請咗成個月，一開始只係見啲啱老闆心水同職位要求嘅求職者，或者簡單啲嚟講佢想要『聰明人』。但老闆開嗰個人工其實根本就請唔到，其實年底呢啲時間根本就連收到嘅CV都好少。
我而家都退而求其次，即使資格低過標準都唔緊要，只要係正常人就好。喺幾場面試之後，我發現佢根本就唔想請人，只係想推返啲人出去。各種奇怪嘅對話，令我覺得無地自容，只係想快啲完咗場面試佢。
心裡面諗，到底有邊個老闆覺得係『聰明人』嘅應徵者，喺面試之後仲會入嚟做？我諗老闆係特登嘅，想睇吓而家留低嘅人可唔可以做晒原本嘅嘢。各位主管遇到呢啲老闆，會點樣處理？畀啲意見小弟呀！」
網民回應：
A/慳成本呀！留低嘅人頂得住，老闆咪賺到，唔想攬上身，就去其他公司面試，睇吓走唔走得甩。你喺出面無人要，就只有頂硬上，你睇吓公司啲資深同事點解無走？好多時都係因為出面冇人要。
B/我覺得唔一定，而家要搵正常人都好難。
C/我上一份工，我一個人管一區；人哋部門兩個人管一個區，我撐咗成3年，咁多次同上面反映要請人，得返嚟嘅只有大主管敷衍了事，小主管就話我時間管理不當。我唔做之後，大主管就搵小主管同一個資深同事接手；3個月後，佢兩個都走咗佬。而家聽講其他區再調主管同資深同事接。
D/為咗要慳錢，我至今都未睇過老闆用聰明嘅新人。
E/你唔好死頂就得。
F/只要你都走埋咪唔關你事。
G/我仲以為係我同事Send出嚟，老闆話10月要幫我哋請新人，但搵咗好耐都搵唔到。偷偷地問人事部，先知老闆想過完年先再搵。笑死，過完年我都走咗，你慢慢搵啦。
H/之前一個人當4個人用（做埋老闆啲嘢），嗰陣仲要帶幾個新人，返工返到想往生。後來睇化咗件事，直接唔做，而家到前老闆話做到想死，哈哈哈哈哈。
I/好好奇，到底咩係「各種奇怪嘅對話」？
J/打開求職網站睇！
毋須強迫自己解決問題
對於事主的抱怨，大部分網民都建議事主離職，有人認為事主應該先到外面應徵面試，看看自己能否找到工作，再決定應否辭職。事主輕描淡寫談及，只求找到正常的新同事，有網民就反駁事主，現在成功聘請正常人也不容易。
有網民分享個人經歷，指自己曾經一個人擔任多個崗位，因此感到非常痛苦。可是後來他選擇放過自己，離開當時的公司，笑言辛苦的人就變成公司的老闆。打工仔假如發現公司沒有發展前景，同時有個人能力無法解決的狀況，倒不如在外面尋求工作機會，不要苦了自己。
老闆竟然要求唔好請呢類人？（點圖了解更多）
即睇10句上司的乞人憎口頭禪！
延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者
《CTgoodjobs2023年畢業生薪酬及就業調查》結果出爐
立即按此了解更多：https://bit.ly/46UT513
最新專訪片︰
【SHE Says】引入日本動畫《男兒當入樽》、《咒術迴戰》幕後功臣 羚邦集團創辦人：「做人唔好怕蝕底」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!