Next
【勞工法例】年尾想轉工又怕冇得拎雙糧？勞工法例指要睇OO
【勞工法例】年尾想轉工又怕冇得拎雙糧？勞工法例指要睇OO
2022-11-07
一年容易又到年尾，新一年想換環境，終於可以跟老闆說不幹了？等一下，捱了這麼久，難道花紅不要了嗎？香港討論區有網民指合約有寫到會發雙糧，但同事離職時卻沒有按比例給錢，因此懷疑公司犯法。有人說計算雙糧按離職日；有人說做滿12月就有；有人說要視乎看合約條款……到底要什麼時候提離職才對？勞工法例如何說？
延伸閱讀: 【移民問題】爸爸成日問兒子是否想移民 事主：情緒勒索好辛苦
按圖即了解事主分享和網民回應：
事主：「如果合約有寫有雙糧，離職時公司是否要按比例出返？剛剛去問人事部，問之前所有同事離職時，雙糧都沒有按比例出返，咁公司是否犯法？」
網民：「睇清楚自己份employment contract點寫，有啲會寫員工自行離職的話不會按比例計雙糧。」
網民：「通常玩法係，如果12月出雙糧，就要做到12月31日先至有雙糧，
早一日離職都冇。所以我唔明點解咁多人恨13個月糧。你估真係出多一個月糧畀你？係年薪除13咋。last嗰個月仲要有條件發放。我就寧願12個月糧，年薪除12，奉旨個個月攞足應得嗰份。」
網民：「Exactly睇年薪啦。出去搵工，啲recruitment agent都係同你計年薪，加花紅，可以直接比較。不過私人公司出一個兩個月糧做花紅，唔係必然。我已經好多年花紅唔夠一個月。同埋好多私人公司都出12個月，我而家都係。尤其是行美國制嗰啲，或者大公司。出多過12個月好多係中資港資，縮骨嘛，如果年中辭職，年尾慳返一個月錢。」
網民：「雙糧同bonus係唔同嘢，我同意係睇年薪但係有公司係講明guarantee出13個月糧，所以第13個月一定會出比你，再多個啲係BONUS，當然亦有話係要做到邊月邊日先有，有啲中間辭工都會按比例畀你咁，我幾款都試過，最後睇contract係咩啦。」
網民：「舊公司收到大客找數先畀，所以沒有固定日期。」
網民：「合約有寫有雙糧，但沒有提及自行離職都有得分，我以前公司佛心，按比例咁畀返咁。」
網民：「雙糧又好，第13個月又好，只係個名嚟。法例個原則應該係辭工就冇，至於是否按比例，法例意思係，假設12月31日係計算日，即使員工只係做了半年，都會按比例照畀，大前提係會繼續聘用或者被炒。當然，最重要是合約，合約最大，合約冇寫就跟法例。」
網民：「睇合約，好多時會話年底仍在職先有、你簽咗就冇計。」
看來不同公司都有各有做法，有年底仍在職的；有要在派花紅時還在公司的；還有一個說得公司大客戶「找數」才有。
《僱傭條例》沒有明文規定僱主必須支付年終酬金，包括雙糧及花紅。但如果事主僱主在合約內包括這款項，僱主便必須履行這合約條款，向僱員支付年終酬金。事主應重新審視合約中關於派發雙糧的細節，是否有任何條件，最好還是向人力資源部門（HR）打聽一下。
合約咩都冇講？香港勞工法第57章《僱傭條例》話……
如僱員在酬金期期間／酬金期完結前辭職，僱主是否須按比例給予僱員年終酬金？
答：除非合約另有規定，否則僱員在酬金期完結前辭職，不可享有按比例計算的年終酬金。僱傭合約中應該指明酬金期，如果沒有指明，則以農曆年度計算。
如僱員在酬金期完結前已經被解僱，是否有資格按比例領取年終酬金？
答：僱員在1個酬金期內按照連續性合約受僱不少於3個月，而被僱主解僱（但並非因犯嚴重過失而被即時解僱），可按比例獲得部分年終酬金。
辭職一走了之，辭職信大數上司，同事？行頭細，小心啲！即睇15個寫辭職信的Dos and Don’t
延伸閱讀: 【職場辛酸】中年失業搵份工都難？ 打工仔：個個情願請個後生仔方便教
延伸閱讀: 【職場辛酸】打工仔認真工作卻被指責？ 事主：OO 好 待遇就會好
Look out for further updates on our Facebook fan page!
Follow CTgoodjobs for the latest career news, hot topics and recommended jobs!