【轉工跳槽】應否放棄Bonus辭職？打工仔嘆：精神壓力大，成日做到喊⋯⋯

從年初拼命工作到年末，最令打工仔感到振奮的大槪是花紅（Bonus）的消息。公司分發花紅的時間，因應財政年度而定，有意轉工的打工仔都會算準時間，計劃在Bonus得手後再辭職。

►最新【人力資源】職位空缺

有台灣打工仔在網上討論區Dcard談起煩惱事，指距離公司分發Bonus仍有一段時間，忐忑自己應否辭職，「精神壓力大，經常做到流眼淚......」

點圖了解更多事主分享：

+15

+14

事主：「我真係覺得好煩惱，想請各位畀啲意見我，其實公司福利唔錯，嚟緊會有6個月嘅Bonus，但我而家每日都唔想返工，壓力都幾大，對於工作上嘅嘢都覺得好疲憊，會一邊返工一邊流眼淚，喊完再繼續做。前排成日發夢，瞓得唔好，病嘅次數都越來越頻密。甚至有啲好奇怪嘅諗法，好似『係咪我出意外，就唔使返工？』一度諗過我係咪應該要睇精神科醫生，我屋企人同我講，得返幾個月時間，唔拎埋Bonus會後悔，但我每日都係水深火熱緊。」

網民回應：

A/我都係建議你撐多陣先，拎埋舊錢，之後好好休養。我覺得你可以轉移注意力，唔好關注喺眼前嘅痛苦，要諗吓未來嘅好嘢，好似寫份新嘅CV，規劃吓之後去邊度玩，咁就能夠盡量維持正常作息，加上運動將生活重心轉移，試吓用呢個形式生活2個星期先。

當然你都要自我評估吓，如果一個星期內有兩次想輕生嘅念頭，就大膽啲同屋企人講，等自己無咁重負擔。

B/如果你Bonus唔多，好似我咁得1.5個月Bonus，我會支持你唔做。

C/拎完6個月，唞返半年先。

D/我上個星期離咗職！

E/撐埋佢，都11月啦，拎埋錢，笑住咁走，加油！

F/都就嚟癲，點都要拎返筆錢做精神補償！

G/健康係好多時用錢都無法彌補，但要取捨吓。

H/11月啦，撐住！等你離職調整心態，你就會後悔，我拎少3個月，覺得好痛。

I/你而家可以開始「安靜離職」，80分嘅工作，做到60分就好。拎埋舊錢先走！

J/我都試過好有好差嘅工作經驗，試過喺位度覺得頭暈又唞唔到氣，最後都係撐住，為嘅係等份CV靚啲。雖然好辛苦，但有6個月Bonus！好多呀！為你加油，辛苦晒！希望你會努力撐住，Hea住都係撐緊，當自己係蛀米蟲咁做，之後再諗返而家嘅自己，就會有敬佩同感恩嘅心情。

K/Bonus有0.5至1.5個月，可以辭；2個月以上會猶豫，6個月或以上，一定會等錢到手再辭，辭咗再搵都要時間成本，有6個月錢喺手，至少仲理直氣壯啲！

為自己的未來設想
對於事主的分享，普遍網民都鼓勵事主堅持，先不要辭職，主要原因是事主的Bonus足足有6個月。有網民建議事主不要聚焦在現時的痛苦上，應該構思未來的計劃，將重心轉移加上運動，或能夠改善現時的情況。有過來人向事主分享自身經歷，指自己曾經因為工作，壓力大得無法喘息，不過當時為了履歷還是撐下來，他建議事主不用迫得自己太緊，或能減少工作壓力。當然精神健康，無法用金錢彌補，但打工仔在辭職之前，不妨為自己的未來的規劃，再確定自己下一步該怎麼走，最重要是作出無悔的選擇！

打工仔工作壓力來自哪裡？（點圖了解更多）

+7

+6

►最新【資訊科技】職位空缺

即睇9種紓緩工作壓力的方法：

+22

+21

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

《CTgoodjobs2023年畢業生薪酬及就業調查》結果出爐

立即按此了解更多：https://bit.ly/46UT513

最新專訪片︰

【星級斜槓族】陳欣茵離巢TVB後積極多元發展 冀踏足影圈 不希望被定型為性感路線

⏩⏩  需要請人？立即刊登招聘廣告！  ⏪⏪