Next
【轉工如賭博】Offer到手突然被收返？原因可能係OOOO⋯網民：入到去都未必係好事
【轉工如賭博】Offer到手突然被收返？原因可能係OOOO⋯網民：入到去都未必係好事
2025-01-06
求職是一個充滿困難的過程，經過一輪面試過五關斬六將後，好不容易到了即將被錄取的階段，是不是就高枕無憂了呢？獲得Offer本應是一件可喜可賀的事，但有時候卻會遇到Offer突然被取消的情況，令求職者措手不及。近日有從事人力資源管理的網民在社交平台「Threads」發文，分析錄取通知發出卻被取消的現象以及常見的原因，感嘆「轉工如賭博」。
即睇樓主分享及網民討論：
樓主：「一間正常嘅公司，好少會收返candidate個offer，因為通常都要經幾個部門白紙黑字簽晒名，先確定到啲offer細節。通常收返offer都係呢幾個原因：
1. 公司真係冇預算，變咗架構，老闆突然反口唔畀請。
2. 突然有更適合嘅candidate出現，可能係有人介紹，或者係內部候選人。
3. 可能candidate本身有啲問題，例如reference check過唔到。
其實喺HR嘅角度，唔到最後一步，係唔會收返已經出咗嘅offer。但偶爾總有呢啲事發生。如果真係咁唔好彩畀人收返個offer，唔開心、嬲、覺得自己黑仔之餘，或者都可以樂觀少少慶幸自己冇去到嗰間公司做，可能入到去都未必係好事，因為：
1. 有機會間公司真係好窮，嚟緊都有啲project會暫停，連請多個人嘅錢都冇，分分鐘嚟緊會炒人。
2. 夾硬請咗你返去，佢都係唔想要你嘅話，都好容易因為種種原因唔過你試用期，逼你走。
3. 照請你，但個role嘅職責可能會有啲唔同咗。
轉工真係同賭博一樣！」
網民A：「1、2本身係極度不負責任行為，如果因為呢間公司出offer，candidate向前公司遞信辭職點算？出offer請人應該係墨落無悔，而唔應該彈弓手。」
網民B：「冇咩應唔應該，轉工不嬲都係賭博，個制度係保障僱主唔係員工，就算收返你都冇仇報，唔通你告佢打官司？ 」
樓主：「係不負責任，所以offer咗嘅通常會照請，因為公司都要take risk個名聲會受損……衰嗰啲公司為咗唔想有手尾，真係照請咗個人先再夾硬請人走，都係冇仇報。」
網民C：「市況正常嘅話就少有咁嘅情況。不過而家全球經濟都唔穩定，突然freeze headcount都唔係咩咁特別嘅事。」
網民D：「Sorry，不過以今時今日嘅環境，我覺得就算你有份工，份工都唔一定係長工；就算係長工，都可以照裁員。公司冇錢賺會裁員，有錢賺都會……結論係，都係盡量使少啲錢，留多啲現金。」
樓主：「睇得開係好事。 但仲有啲人會睇得長遠，原本搵到份工好開心，冇咗總會唔開心。佢哋個心態唔會係打工預咗畀人炒啩？間中都有呢啲取消offer嘅情況, 最近亦都有朋友返咗新工，喺試用期內畀人辭退，原因係公司本身都準備裁員。係不幸㗎啦，大家都只可以安慰佢，叫佢調返轉諗開心啲。」
網民E：「人生每個決定都係賭博。」
網民F：「一向都覺得轉工好危險，口頭上畀個offer出嚟，辭咗職先話唔請，白紙黑字出份通知書一定最好！」
網民G：「以前做過間細公司，老細決定請呢個candidate做我下屬，叫我畀offer佢返工。一日之後老細話：『吓？你請咗佢呀，我見做第二個，你打去叫佢聽日唔使嚟。』」
保持冷靜 應對風險
網民紛紛表示招聘方出爾反爾的行為十分不負責任，但也有人認為在經濟不景氣的時勢下，也見怪不怪了。Offer被取消對求職者來說無疑是一種打擊，但正如樓主所說，言而無信的公司本身就有潛在危機，沒有入職在長遠來看也未必是一件壞事。與其沉浸在低落的情緒中，求職者不妨花時間多思考如何避免這樣的風險，以及當這樣的情況發生時，可以如何維護自己的合法權益。
關於規避Offer被取消的風險以及追責方式，可以參考以下做法：
1/確認書面合約：在接受Offer前，保證收到書面合約，並詳細閱讀條款，尤其是有關合約生效的條件和取消條款。
2/保留溝通記錄：保存所有與公司之間的溝通記錄，包括電子郵件、訊息、書面文件等，以便在發生爭議時有證據支持。
3/謹慎離職：在與新公司確定所有細節並簽訂合約後，再向現公司提出離職申請，以免因新公司取消Offer而陷入失業困境。
4/了解公司背景：在接受offer前，對公司進行背景調查，了解其財務狀況和聲譽，減少因公司內部問題而取消offer的風險。
5/與人為善：與現公司上司保持良好關係，在職期間保持專業態度和表現，以免對方在Reference check時提供負面信息。
6/尋求法律援助：口頭承諾及書面合約都具備法律效力，在已落實僱傭細節及薪酬條件的情況下，求職者可以求助勞工處，向雇主追討有關損失。
延伸閱讀：【見工面試】Offer可以收返？3大令前Google招聘人員取消錄取通知嘅行為！
延伸閱讀：【Take Offer即失業】見工成功一場歡喜一場空！全因漏咗呢樣嘢？網民：當買個教訓啦！
延伸閱讀：【Reference Check】前上司抹黑打工仔冇交帶 新公司因而收返offer 網民：成功避過一劫！
延伸閱讀：【見工面試】辭職準備返新工 卻被HR一鑊翹起！收返Offer全因為咁？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!