Next
【見工面試】辭職準備返新工 卻被HR一鑊翹起！收返Offer全因為咁？
【見工面試】辭職準備返新工 卻被HR一鑊翹起！收返Offer全因為咁？
2023-05-30
正所謂「東家唔打打西家」，若打工仔發現工作諸事不順、沒有發展空間，甚至經常被老闆榨壓，都會努力尋找新機遇，轉投另一間公司。不過到獲得新公司的Offer，是否無後顧之憂？網上討論區Dcard有台灣打工仔分享自己的慘痛經歷，指自己已經遞信辭職，準備到新公司上班，豈料HR竟臨時取消Offer，令他感到很苦惱。
點圖了解更多事主分享：
「點解會有啲咁唔專業嘅HR？以下係我嘅真人真事，話說我前排去咗一間少有名氣嘅公司見工，面試過程非常順利，個HR睇落都非常親切，因為當時仲有喺前公司實習，所以無辦法可以馬上到職。
喺面試嗰陣，我都有同佢哋確認咗，我要下個月先可以返到工，後來都順利收到Offer。當我就嚟辦完離職手續嗰陣，我竟然收到HR電話，話因為可以搵到比我更快on board嘅人，所以都係唔請我，收返個Offer喎！！！係咪玩緊我？？？我當初佢哋會畀Offer我，唔係代表同意我下個月先到職呢件事咩？想知喺HR行業呢個情況係咪成日發生？係嘅話，我會釋懷啲⋯⋯」
網民回應：
A/我個人覺得有時呢啲嘢唔係HR決定，可能係個部門急住請人，或者嗰位先係第一人選（原本婉拒咗，但後來又話Take offer，而且仲可以早過你On board）所以可能係用人嘅部門主管要求取消你個Offer，呢啲情況都唔係HR話到事，就算係好言相向叫個主管唔好都無用，最後都只可以出嚟孭鑊。
不過老實講，如果出現呢啲咁嘅情況，呢間公司真係好唔尊重啲求職者。我有印象見討論區有人提過如果有offer，拎咗通知書之後，對方反悔唔請你嘅話，你可以同佢哋要求賠償（但實際上係點做，我唔係好清楚）呢啲係公司招聘用人方面唔專業，唔單止係HR嘅問題，你要慶幸你最後無去報到，話唔埋內部有更多問題，係你難以想像
B/同間公司要求賠償，或者搵間媒體幫手報導，唔好就咁算！你就算話個HR都無用，佢哋都只係制度嘅一分子，HR嘅工作優先次序，係處理咗公司嘅問題先，其次係員工嘅問題
C/如果有Offer就係對方嘅錯
D/呢啲故事真係太多，過耐咗你就會學精，唔太相信Offer呢樣嘢，反正公司就係一切，其他人未搵到工，咪又係會照Apply呢間公司
E/明明呢啲係部門主管嘅問題，可唔可以唔好燒埋HR嗰疊？基本上有規模嘅公司，請人做決定嘅都係部門主管，審核咗之後先再做決定，HR明明只係負責話你知件事
F/我就想知係邊間公司
G/就講兩樣嘢：一，係內定嘅；二，人哋真係可以早過你On board
口頭承諾有沒有用？
對於事主嘅分享，網民紛紛反駁他的言論，有人指回收Offer並不是HR能做決定，通常都是由招聘的部門主管作主，即使HR好言相向勸喻也好，部門主管也未必接納意見。那位網民又安慰事主指，幸好他沒有到這間公司報到，皆因那間公司可能有不少內部問題。另外，有網民認為受害的事主，應該向公司要求賠償自己的損失。
若然在未有簽約時，公司「彈弓手」收回Offer是否違法？事實上，口頭承諾亦有法律效力，但由於事主與新公司尚未落實任何薪酬條件，當因為對方反口而出現勞資糾紛時，法律法例上並不能給予甚麼實際保障，惟事主可向勞工處求助，循民事途徑嘗試追討有關損失。
參加面試時有甚麼禁忌？（點圖了解更多）
即睇5個00後求職時常犯的錯：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!