【見工面試】見工都失敗！全因求職者1舉動？網民：難怪3個月見10間公司冇人請⋯⋯

獲得面試機會，從來不是容易的事。為了增加獲得工作的機會，求職者都會在面試中表現到最好，可是有時卻失望而回。求職者反覆思量，卻不知道原因，有可能是與他的無意間的舉動所致。

有台灣求職者在網上討論區Dcard分享個人經歷，懷疑自己因為1個舉動，而令自己面試失敗。曾經在面試做過一樣的事的求職者表示，「難怪3個月面試足足10次，都沒有人聘請⋯⋯」

點圖了解更多事主分享：

+14

+13

事主：「因為我要面試嘅工作，係一啲技術性嘅職位空缺，所以牽涉幾多組內分工同製作流程嘅問題，我好想問吓面試官，我就整理好，方便紀錄我就寫咗喺本筆記簿度，當對方主動問『你仲有咩想問？』嘅時候拎出嚟。

目前試過2次，對方嘅反映都係挑眉，然後話：『哦？原來有簿仔⋯⋯』最後兩間公司都冇請到我，喺度諗，係咪因為咁，畀人覺得係怪胎。」

網民回應：

A/我係一開始就拎出嚟，面試官講起工作內容，我就紀錄，咁問問題好似冇咁突兀。

B/我都習慣放低本簿喺枱面，一邊寫嘢，3個月嚟面試咗10幾間公司都冇間請，畀你參考吓。

C/我一直覺得面試都好睇眼緣（但前提係儀態好，舉止禮貌，準時等等基本要做到）。

D/筆記簿應該唔加分都唔扣分，下次試吓將你啲問題，將佢整理為1至2個問題。

E/我覺得嗰啲睇起嚟傳統，又有啲年紀嘅面試官，都唔鍾意人做筆記。我曾經試過喺一個有年紀嘅面試官面前，拎出紙筆記錄，就冇畀人請，睇嚟你見過嗰兩位面試官，都唔鍾意你做筆記。

F/HR心諗，我都係講吓啫，你都寫晒落嚟，情何以堪。

G/我試過拎咗張想問問題嘅紙出嚟，畀面試官提醒，叫我將嘢記落個腦度先。

H/我都係面試一啲技術相關嘅職位空缺，每場面試都有拎筆記，一開始面試就拎出嚟，會話畀對方知，自己會一邊做筆記，一邊面試，面試官多數都會話：「唔緊要，或者我都鍾意人做筆記」，我目前已經畀心儀嘅公司請咗。

I/我係HR，根據呢幾年嘅觀察，會拎筆記或者紙出嚟寫嘅人，大概有2至3%，個人覺得冇加分或者扣分，要唔要寫嘅都係你嘅自由，不過我見佢寫錯嘅話，會同佢講要修正。

J/唔好意思，咁講可能有啲冒昧，或者面試官會覺得你連自己想問嘅問題，都要做筆記，係你未準備好，或者唔尊重場合？我相信大家都鍾意認真又熱愛學習嘅人，但可能下次拎筆記出嚟之前，要問吓面試官，話埋畀對方知拎筆記出嚟嘅理由，或者咁就唔會有負面嘅觀感。祝大家都成功搵到工。

面試時翻出筆記，難道是致命傷？網民都分享個人經驗，有人指遇過較為傳統及年紀大的面試官，都不太喜歡求職者拿出筆記記錄。自稱為HR的網民坦言，這並非扣分點，也不會特別加分。有網民就表示，覺得事主這個行為，可能會給予別人未準備好的觀感，甚至不尊重場合。

在面試的一舉一動，都會影響求職者成功的機率，因此最好還是避免把筆記拿出來，假如無可避免地，要拿出筆記記錄，不妨在面試前先詢問聯絡人，保障自己。

打工仔居然4個月內轉7間公司？（點圖了解更多）

+11

+10

即睇被問「有冇In其他公司？」 的標準答案！

+12

+11

延伸閱讀：【職場英語】7大職場用語你要識！「Chair a meeting」、「Reshuffle」又點解？
延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！
延伸閱讀：【職場溝通】到職1周被上司「照肺」 全因1個理由！打工仔：點解要請我？
延伸閱讀：【職場文化】同事學歷低、工作少、年資少 但人工竟然高過自己！

最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人？立即刊登招聘廣告！  ⏪⏪