【見工面試】1.5小時Interview過程冇傾過人工！係咪代表冇望？網民竟稱或有好結果！

從來找工作的過程，都是讓求職者感到最煎熬的部分，為免期望落空，他們都會根據人力資源從業員（HR）的一舉一動，推測工作面試成功與否。

有台灣求職者在網上討論區Dcard分享個人經歷，指自己到公司進行面試時，過程足足1.5小時，卻沒有談薪酬相關內容，求職者認為成功無望，但網民卻認為可能有好結果？

【見工面試天書】

面試對答篇︰自我介紹丨預期薪金丨點解離開舊公司？丨點解想喺呢度做？丨缺點係咩？丨上一份工點解被炒？丨最後仲有咩問題？

電話/視像面試篇︰電話/視像面試技巧丨製作視像面試貓紙技巧

其他︰衣着穿搭技巧丨求職者見工常見錯誤丨舒緩緊張情緒貼士丨如何了解公司文化

點圖了解更多事主分享：

+13

+12

事主：「我上個星期應徵咗間科技公司，過程足足個半鐘，但冇提過人工嘅部分，想請問吓大家，我係咪應該冇機會？」

網民回應：

A/所以你點解唔問？

B/有個小建議，如果你係喺求職網站搵工，咁應該仲會有個對話框喺度，你面試完返屋企可以感謝對方嘅邀請，都可以寫話期待能夠喺公司入職，呢類型嘅說話，Email都得。咁樣會令人覺得你好積極主動，我教朋友呢招，最後佢真係畀人請咗，原因係HR同公司主管覺得求職者態度好積極主動。

C/我都係呀，完全冇講過期望薪酬嘅嘢，以為自己冇望，點知最後個Offer仲高過我本身期望嘅人工。

D/一定啦，你啱啱出嚟做嘢，都係公價，唔會畀你傾人工，預祝你搵到心儀嘅工作。

E/照我經驗睇，如果主管同你傾得耐，都好大機會成功。

F/有啲公司薪酬規定比較硬性，就算你主動問面試個主管，對方都會話係睇HR，而HR就係睇公司，實質上冇乜咩嘢好傾。

G/我面試第一關就係同HR傾薪酬相問題，我好快面試完3關，但我到而家都未收到Offer。

H/我自己經驗係，面試唔傾人工，等畀人請咗再講，再問吓對方係根據邊啲經驗請我，核定薪酬再進行談判。

I/我月初都係面試傾咗近個半鐘，然後講到期望薪酬，畀個主管回絕，結果最後個HR Email畀Offer我，仲要多過我本身期望個人工，話唔定會有好結果，所以唔好太灰心。

J/唔一定嘅，好多公司面試同傾人工嘅部分，都由唔同人負責。面試時會要你寫期望薪酬，但唔會同你傾，等HR要用你，先有另一個人打嚟傾。

K/下次你可以婉轉啲問「可唔可以了解多啲薪酬待遇嘅詳情？」想傾人工都好正常，公司都會明白，而且佢開個薪酬唔如你所需，你心理上可以打咗底先。

L/其實喺大公司好正常，頂多係先了解吓你嘅期望薪酬，因為最後都係要跑流程咁去核薪。

M/人工唔係面試官同你傾，大公司薪酬基本上係透明，網上面都有人講，填表嗰陣，人哋都會叫你填期望薪酬啦。

聽畢事主的分享後，網民紛紛分享個人意見，有人認為面試時長代表應徵成功機率高，未有談及薪酬，可能是因為負責面試及薪酬部分的，並非同一個人。有打工仔就分享個人經歷，指曾有類似經歷，理想薪酬更被面試的主管拒絕，豈料HR提出比想像更高的薪酬。有網民反駁事主，指假如想了解更多薪酬資訊，何不直接向面試官詢問。另外有人建議事主在面試後感謝公司給予機會，這樣能夠給予別人積極的感覺。

事實上，普遍公司都會請求職者申請職位時提供理想薪酬，因此公司都知道你盼望得到的薪酬範圍，在符合公司標準的情況下，才會邀請你進行面試，從而了解你是否適合職位，沒有必要在當中談及薪酬的部分，當然如果你好奇，是可以向HR詢問詳情。

面試成功有甚麼跡象？（點圖了解更多）

+22

+21

即睇面試失敗跡象：

+47

+46

最新專訪片︰

【CEOTalks】肯定員工努力 願意堅持終能獲得成功 譚仔國際行政總裁劉達民：中途放棄的話 永遠未能欣賞山頂的風景

⏩⏩  需要請人？立即刊登招聘廣告！  ⏪⏪