Next
【職場熱話】9K請遊戲設計兼寫App 被網民大鬧無良公司！
【職場熱話】9K請遊戲設計兼寫App 被網民大鬧無良公司！
2022-07-08
當某些公司已經開始讓員工永久在家工作、實行4.5工作制，帶領着大家走進新時代的工作模式時，原來巿場上仍然有很多守舊兼剝削員工的公司。仍然有公司要求員工工作5.5天或6天、更加有月薪仍不到$10,000的專業職位，實在令人難以至信……
延伸閱讀：【見工面試】面試唔識包裝自己 錯失取錄機會 自我介紹3大架構你要識！
有網民在社交平台專頁「奴工處」上投稿，指自己見了一份工，公司刻薄得誇張，用一個低價想請一個萬能人，非常過份！「小弟IVE遊戲設計畢業，覺得遊戲唔啱自己，就走咗去學3D。之後因為好多公司都唔請FG，突然有一日有間公司有興趣見我，咁我就滿心歡喜上去。一入門口就覺得唔對路，全公司得兩個人，個老細介紹完一大輪嘢，之後就同我講：『咦，你識遊戲設計，係咪可以寫埋App？
公司人手就比較少，經常都要OT，不過OT係自願，員工OT到第二日，返去沖個涼就返嚟做嘢㗎啦。我哋唔會提供任何車、船、食飯津貼。』到最後講人工，我FG開$12000，點知佢開$9000！我第日直接block 咗佢電話。」
不少網民對於人工9K都非常驚訝，沒想到仍有如此刻薄的公司，而老闆更要講得出口才真的令人嘖嘖稱奇！
即睇網民回應：（按圖了解）
網民：「係呀老細，不如咁啦，糧都唔好出啦！我唔使食飯、唔使沖涼㗎！光合作用就得㗎喇！」
網民：「畀返錢佢，我嚟學嘢㗎！」
網民：「點解今時今日都仲有公司咁無良！$9000都夠膽講出口！」
網民：「搬埋去公司住，再交水電租學費畀老細。」
網民：「$9000咩幣？畀我一定去做，之後再告公司，平過最底工資！」
網民：「吿唔入，因為佢話係你自願OT。」
網民：「『自願OT』嗰吓都幾搞笑。」
網民：「自願先至高，老闆無叫，最低工資都告佢唔入。」
網民：「你可以直接話佢聽，點解佢間公司請唔到人。」
網民：「佢仲要好似好自豪嗰吓威囉！」
網民：「由佢講OT完沖涼第朝返工，已經可以起身走人。記得拎返張証件相，廢事蝕又要去影過。」
網民：「總有一啲人係覺得自己高人一等，無論知識同眼光都係行先其他人一步，所以係佢賞識你，畀機會你去幫佢、跟佢，你應該係感恩，而唔係斤斤計較人工福利，呢啲根本係唔重要。」
網民：「我返工為興趣咋！人工夠使就得。O唔OT無所謂，最緊要幫到公司。」
網民：「『OT係自願』即係可以唔O啦，老細叫O咪照計囉！」
大鬧無良公司
很多網民都沒想到現今社會仍有如此剝削員工的公司，齊聲大鬧此公司非常無良及離地！更覺得老闆夠膽說出口真的非常不要臉才做到，「佢仲要好似好自豪嗰吓威囉！」、「你可以直接話佢聽，點解佢間公司請唔到人。」
大家都贊同事主之舉，認為話不投機半句多，「由佢講OT完沖涼第朝返工，已經可以起身走人。記得拎返張証件相，廢事蝕又要去影過。」盡快找下一份工就好，加油！
延伸閱讀：【見工面試】面試唔識包裝自己 錯失取錄機會 自我介紹3大架構你要識！
延伸閱讀：【職場文化】公司執笠前有咩先兆？網民：冇零食、冇廁紙…
延伸閱讀：【職場熱話】幫上司求婚 被抺殺功勞 網民：完美展現下屬做嘢上司領功
Look out for further updates on our Facebook fan page!
Follow CTgoodjobs for the latest career news, hot topics and recommended jobs!