Next
【職場文化】勸戒下屬注意紀律 被反指扮大牌 事主：原來佢哋唔知我係佢哋上司⋯
【職場文化】勸戒下屬注意紀律 被反指扮大牌 事主：原來佢哋唔知我係佢哋上司⋯
2023-06-26
在職場中，紀律是非常重要的。上司需要監督下屬的行為，以確保公司的運作順利進行。然而，如果下屬根本不知道你是上司時，那些勸戒豈不是顯得有點自大了？
延伸閱讀：【職場性騷擾】老細經常趁機摸男同事屁股！網民：收集證據舉報佢！
有網民在社交平台專頁「奴工處」上以「同事唔知我係佢哋上司，以後我扮大牌」為題投稿，分享自己正在處於一個尷尬境地，他發現原來自己的下屬並不知道他是他們上司的身份！對於他的勸告，就只覺得事主擺架子……事主亦因此感到很無奈，不知道如何是好。
即睇事主分享及網民回應：（按圖了解）
事主：「話說我喺間4至5人細公司做咗兩年，我個post係supervisor，然後其他同事入職嗰陣，老細冇介紹過我個post，淨係叫同事有咩就問我，而我主要係分配嘢畀同事做同管理佢哋紀律，但我做嘅工作內容有一大半都係同佢哋一樣，只係做多咗其他admin嘢。最近我先知原來有2個同事一直唔知我係高級過佢哋！以為我係同級，喺背後話我扮大牌指示佢哋做嘢……我應該點澄清好，自己講出嚟又尷尬，好無奈。」
網民：「同老細反映咁樣好難管理，叫老細搵機會講。」
網民：「即係你氣勢唔夠，你夠嘅話，低層都可以好似高層咁。」
網民：「佢都講得你壞話，咁就唔使怕尷尬啦。所謂佢唔尷尬，尷尬就係你。所以，你要快啲拎返個主導權，你先係上司。無論如何都要比對方知你有責任做manage，佢講是非只係無知，可以抺咗佢。佢哋知道咗，就自然唔會再講你是非啦。打份工，唔係做朋友。丟返轉只要你唔尷尬，尷尬咪佢地囉。」
網民：「問得呢個問題都證明你唔適合做supervisor啦。」
網民：「其實你嗰兩個下屬唔知大海有幾深？但係佢哋唔知你高級過佢，係你問題，一係無料，一係無氣場。」
網民：「樓主可以轉工做臥底。」
網民：「岀email畀佢哋嗰陣，個簽名冇寫到自己title？」
網民：「superviser 又唔係真係上級喎，最多叫高半級或平級。而且老細都唔話你係上級，即係佢都唔認為你係高級啲啦。」
網民：「咪以為佢哋知道咗之後，就唔會再講你是非，把口生喺人哋度，唔需要理人點講，做返自己本份就得。方法係有嘅，叫老闆整（或者問準老闆後自己整）個架構表貼出嚟。都係嗰句，就算佢哋知道，都唔會減少講你，甚至講多啲。」
網民：「如果同佢哋做嘅嘢一樣，你只係多少少admin嘢，其實好難說服你係supervisor。起碼佢哋做完嘢要報畀你聽，要你修改啦。」
網民：「係咪你同佢哋負責做嘅嘢太似呀？如果係咁都幾難說服到人你係lead佢哋。」
網民：「正式寫email嗰陣落埋title啦！」
網民：「做上司嘅間唔中係要請吓食飯，team build一下。」
網民：「老闆無介紹你唔會自己講？一開始介紹就講自己位同做咩職位啦，同事無錯喎，只係知你係一個做得耐嘅同事。」
網民：「要自己澄清嘅時機已經過晒啦，如果你職能上係有必要分配又分得好嘅，自然唔需要解釋都有人服。相反嘅你都係逗返份senior糧同佢哋平起平坐就算啦！」
主動面對問題
從網民的回應可以看出，有些人建議事主應該主動向上司反映這個問題，並且尋求上司的協助解決。另外，也有人建議事主要加強自己的氣勢，讓下屬能夠感受到自己的權威。還有人建議事主可以在電子郵件簽名中註明自己的職位，或者參加一些團隊活動，以加強自己與下屬之間的溝通和互動。
總體而言，他們都建議事主應該主動面對這個問題，並且採取一些積極的措施來加強自己的管理能力和與下屬之間的溝通，從而避免類似的問題再次發生。此外，建議事主與上司進行溝通，共同制定一些解決方案，以確保公司的運作順利進行。
延伸閱讀：【職場性騷擾】老細經常趁機摸男同事屁股！網民：收集證據舉報佢！
延伸閱讀：【職場性騷擾】年輕主管被同事背後中傷兼性騷擾 遇到職場欺凌可以點算好？
延伸閱讀：【各行各業】爸爸成日自覺做司機冇出色 網民安慰：每個人喺社會上都有自己嘅崗位！
延伸閱讀：【職場熱話】大嘆幫朋友做姊妹仲慘過返工！網民：早過平時返工起身、仲要貼錢買裙…
最新專訪片：
【SHE Says】努力打破性別定型 環聯亞太區數據科學及分析主管林蔚：普惠金融分析令更多人實現夢想
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!