Next
【職場熱話】辭職被公司要求檢查手機對話及相簿 網民：警察都冇權睇啦
【職場熱話】辭職被公司要求檢查手機對話及相簿 網民：警察都冇權睇啦
2024-06-21
部分公司擔心員工離職後資料遺失或外洩，會選擇額外提供一部「公司手機」予員工使用。但是，如果有公司不但不提供額外私人手機，更要求員工離職時需要被公司檢查手機對話及相簿，你又會有甚麼想法呢？
台灣一名打工仔在網上討論區「Dcard」發文，表示上司以「檢查有冇拍到公司產品」為由，查看另一位同事的手機相簿及對話，令一眾網民感到相當詫異。
延伸閱讀：【勞工法例丨資歷查核】見完新工未請就要求做Reference check？僱主有機會觸犯私隱條例？求職者可以點做保障自己？
按圖睇件事係點：
樓主：我之前做過某間傢俱公司，嗰間公司唔鍾意同事之間私下聯繫，有任何公事需要同同事聯絡，都要經過主管（即係老細個仔）去做中間人聯絡，就算員工離職都要由佢去檢查手機相簿同埋通訊軟件「Line」對話，確保公司資料冇外流。
某日主管要求同事A畀部電話佢睇，理由係要檢查有冇影到公司產品嘅相，本身話係睇相簿，結果睇睇吓佢仲撳開埋Line對話檢查，結果發現同事A私下有同我聯絡，佢就大鬧咗同事A一餐。
當日我唔喺度，我得知之後覺得完全不能夠接受，所以直接去搵主管傾，我話呢啲係員工私隱嚟，佢竟然話呢啲關公司資產事，同埋佢有經過同事A同意下先睇。吓，咁我呢？請問你有冇徵求過我同意先？同埋呢啲完完全全係個人私隱，唔明點解佢可以講得咁理直氣壯。
最後傾完嘅結果係我直接做到嗰日走人，唔需要等一個月通知期，而同事A事後亦都離開咗公司。
網民A：呢件事完全不能接受，就算係警察，都要有搜查令先可以睇你電話內容啦。我阿媽做傢俱業做咗40年，都冇遇過你呢種問題，由於有時候要同客、同Designer傾，所以都會影低公司產品相，但佢公司從來都唔會檢查佢手機。
網民B：一齊做嘢但唔可以私下聯繫，點解感覺你舊公司環境文化仲衰過坐監。
網民C：會唔允許員工私下聯繫嘅人有兩種可能，第一係希望員工感情唔好太好，因為會影響上班，亦希望製造員工對立同埋競爭感；第二就係驚你哋感情太好，之後如果有人離職，就會被挖牆角。
網民D：好變態嘅企業文化……如果係我就唔會拎手機出嚟畀人檢查，一係就直接報警處理，呢種垃圾公司如果喺美國，一早就被人告到直接執笠喇。
網民E：淨係聽過公司禁止將手機帶到辦公環境，手機只可以放喺Locker。
網民F：佢咁做其實係咪犯咗法喇？
網民G：畀着係我一定唔會理佢囉，大公司都冇佢咁多機密啦。呢種傢俱公司邊有商業機密可言？
網民H：我會畀部後備機佢睇。
網民I：老細係控制狂？唔使諗，完完全全係侵犯私隱喎。
如果事情發生在香港，該僱主的行為有可能已經觸犯《個人資料（私隱）條例》，因為根據條例，僱主無權隨意查看僱員的個人資料，包括私人手機內的資料，僱主必須有合理理由並事先取得僱員同意，才可收集和處理僱員的個人資料。僱員如果遇到這種情況，有權拒絕不合理的要求，並向個人資料私隱專員公署投訴。
HR咁做有冇違反個人私隱？
搭飛機唔小心得知上司秘密：
延伸閱讀：【職場熱話】打工仔嘆返工要上繳社交媒體帳號 方便公司監察員工 網民認證係真事：我同佢同一間公司！
延伸閱讀：【見工面試】一人一個離譜嘅HR問題 網民：問我屋企人幾歲，以為係相睇！
延伸閱讀：【職場熱話】男同事如廁太奔放嚇死人！被發現半祼爬上洗手盤OOO！
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!