【職場熱話】斥同事雙重標準 打工仔4個月轉7間公司　網民：想搵正常職場環境嘅工難過登天

轉新工去到一個完全陌生的地方，當然需要花時間去適應，如果這段時間不幸遇着一班要求苛刻的同事，的確很容易會萌生去意。有打工仔在網上討論區「Dcard」發文，指自己在不到4個月內已換了7間公司，每次離開的原因都是因為同事雙重標準，更直言對方「以聖人嘅標準要求新人，用廢人嘅標準衡量自己」。有網民則表示，樓主能夠在這麼短時間內嘗試不同的公司，也不算「蝕底」。

延伸閱讀：【2024更新｜試用期內辭職】返新工4日想辭職應否寫辭職信？必須書面通知？如何寫辭職原因？

按圖睇樓主及網民回應：

+10

+9

樓主：到底呢個世界有冇一間正常嘅公司？次次入職就會發現同面試講嘅唔一樣，面試嗰陣話公司環境好好、同事好好相處、好自由等等；真正入職就會發現原來所有人都有病，脾氣暴躁之餘，仲會周圍搵新人麻煩，所有嘢都畀晒新仔做，自己就咩都唔做。

呢啲咁嘅公司到底邊度自由？邊度環境好？好相處嘅同事去晒邊？啲人以聖人嘅標準要求新人，用廢人嘅標準衡量自己，咁嘅公司搵鬼做咩？

網民A：幾好呀，你用咁少時間試咗咁多間公司，唔蝕！想搵正常職場環境嘅工其實真係難過登天。

網民B：我35歲喇，返工到而家都做過任何所謂嘅「好公司」。全部都係啲奇奇怪怪嘅公司，呢15年工作生涯以嚟，我成日都無比內耗，唔明點解自己成日都遇到咁差嘅工作環境。

後來發現唔係我唔好彩，而係呢啲公司喺社會上面比例太高，你好難唔中伏，基本上淨係可以一路轉工，直到你搵到覺得尚可接受嘅工。

網民C：樓主好勁！你咁短時間內有咁多間公司請你，而且發現唔啱自己可以即時止蝕，呢啲都係好多人做唔到的。

網民D：只能說係運氣唔好，去每間公司都係賭博嚟，我都係8個月換咗3間公司。加油，盡咗力就好！

網民E：有啲公司長期都請緊人，可能都係因為咁？但係呢啲公司文化嘢好難處理，寧願新人一個換一個。

網民F：我新入嗰間公司都係咁！冇任何交接，啲同事淨係識喺咁睇新人做緊咩，一見到你唔係做緊嘢就話：「你冇嘢做要同我講，我要派嘢畀你做喎。」無限循環，語氣越來越差，真係好煩。

網民G：樓主其實好醒，我當初啱啱畢業返咗份伏工，夾硬捱夠一年先走，身心靈都出晒事，最後用咗4年先擺脫陰霾。

有不少網民表示自己都是數個月內轉了數份工，亦呼籲其他人如果遇到不適合的公司，其實應該早點離開。不過亦有網民感嘆，即使換工作也未必有用，因為到最後去哪都一樣，「這不就是社會常態嗎？」

睇埋打工仔最後悔嘅4件事：

+19

+18

被人炒嘅十萬個理由：

+21

+20

延伸閱讀：【職場熱話】躁狂症老闆日日搵「戰靶」鬧 事主：無做錯不停受氣

延伸閱讀：【職場熱話】轉新工感覺難適應 打工仔每日茶飯不思 網民：每日都諗緊食回頭草……

延伸閱讀：【世界奇職】日本推代客辭職服務 $1千蚊都唔使？客戶以咩人為主？

最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人？立即刊登招聘廣告！  ⏪⏪