Next
【職場熱話】員工喺店面食飯有損餐廳形象？員工：廚房又焗又熱…
【職場熱話】員工喺店面食飯有損餐廳形象？員工：廚房又焗又熱…
2023-06-14
餐飲業的員工向來抗壓能力都十分之高，面試客人種種的要求，都盡力去完成，保持專業的服務態度。不過，其實大家對各行各業都要有所尊重，大家的專長不同、工作不同，你光顧一間餐廳，但這並不代表你是高人一等，對員工都要有基本的尊重和禮貌！
延伸閱讀：【辭職學問】辭職畀上司揶揄係想加人工 網民：係又點？加完再辭囉！
有網民在討論區Dcard上發文分享，指最近被客人投訴，令他覺得不被尊重，「話說最近返緊餐飲業，今日舖頭入面冇乜人，店面又比廚房涼啲，廚房真係好焗好焗，所以就出咗去店面度食晏晝飯，點知下晝經理話收到有客投訴，話咩餐廳員工唔應該喺店面食飯， 因為有損舖頭形象，話咁樣觀感不佳影響佢哋消費體驗。而家係咪員工連舒服食飯嘅人權都冇？」
網民紛紛為事主抱不平，不過卻有網民認為要視乎餐廳的種類和檔次來評定，大家又覺得呢？
即睇網民回應：（按圖了解）
網民：「我去譚仔食嘢，經常見到啲姨姨一齊食，無咩問題。」
網民：「如果普通餐廳就冇咩所謂，但如果你係返高級餐廳嘅話都真係唔係幾好。」
網民：「要睇間餐廳幾高級，我以前返西餐廳，經理都畀我哋喺入面食。」
網民：「我覺得真係睇咩餐廳，如果食人均成千蚊一餐飯嗰啲，我真係唔expect會見到有員工坐咗喺度食飯，如果話係譚仔茶餐廳嗰啲反而好正常。」
網民：「問過經理？佢畀就ok，西客唔使理。」
網民：「唔覺得店員就低人一等。」
網民：「咁要睇個客畀咗幾多錢，畀幾千蚊一餐嘅，我覺得對環境有啲要求合理嘅，幾百就叫佢收聲啦！」
網民：「咁個經理有冇咩指示？普通餐廳梗係店面食㗎啦，廚房點會有位食㗎？阻住做嘢。」
網民：「食飯都要屈喺廚房，好熱又辛苦，希望大家都可以多多體諒。」
網民：「其實佢哋坐埋一邊食冇咩問題，邊個西客投訴？你個經理都衰！」
網民：「香港人，唔出奇。」
網民：「假如啲員工喺廚房食飯，畀客透過出餐位見到，相信又會投訴你哋啲口水會污染到其他食材，投訴嗰個客又麻煩啲嘅。」
網民：「向好方面諗，唔使畀啲西客見到你食飯都照點你做嘢。」
網民：「以返拉麵鋪part time，試過因為着住員工衫食飯畀人投訴。之後經理話要搵褸遮住或者換咗衫，先可以坐低食飯。有時大家偷懶無換到衫，第二日經理就會話office睇cctv見到有人冇換衫，提我哋要換返。心諗原來着員工衫係咁失禮你間公司，係咪應該燒咗佢？」
員工應該得到尊重
有些網民考慮到，如果該餐廳是高級餐廳，人均消費一千以上，就真的不期望看到員工在樓面用膳，亦有網民覺得，「普通餐廳梗係店面食㗎啦，廚房點會有位食㗎？阻住做嘢。」
更有網民覺得其實怎樣做都會有人投訴，指：「假如啲員工喺廚房食飯，畀客透過出餐位見到，相信又會投訴你哋啲口水會污染到其他食材，投訴嗰個客又麻煩啲嘅。」因此覺得非常無奈。
其實飲食業都非常辛苦，有網民覺得大家應該多點體諒：「食飯都要屈喺廚房，好熱又辛苦，希望大家都可以多多體諒。」如果大家可以稍為對各行各業多一點尊重，減少一點投訴就好了。
延伸閱讀：【辭職學問】辭職畀上司揶揄係想加人工 網民：係又點？加完再辭囉！
延伸閱讀：【職場熱話】全職工作後 生理同心理有咩分別？網民：幾點瞓都係眼瞓、喊少咗…
延伸閱讀：【職場熱話】介唔介意另一半收入低過自己 2成女士想搵錢多過伴侶！
延伸閱讀：【職場熱話】同事鍾意邊飲酒邊工作 同事：佢工作能力高 但有時會語無倫次…
最新專訪片︰
【星級斜槓族】Amber鄧卓殷港大建築碩士畢業 身兼KOL、普拉提導師及老闆娘 三線發展互相緊扣成長
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!