【職場熱話】驚見公司正招聘自己個職位點算好？　網民：廣告可以係假

2023-06-14

工作穩定是不少打工仔的願望，假若在職場忙著工作同時，仍要擔憂在不久後能否坐在同一個辦公室，應會是頗難熬的事。最近，有一打工仔到社交媒體專頁「奴工處」投稿，表示自己剛到新職報到一個月，怎料在無意間發現公司正在招聘自己的職位，頓感意興闌珊，思索應該要辭職還是等待被解僱的一刻，不過網民卻回應指不需擔心，究竟為何呢？

延伸閱讀：【見工奇遇記】公司狂出招聘廣告目的唔係請人？求職者︰HR係咁收風

即睇事主分享及其他網民回應：（按圖了解）

+18

+17

事主：新工返咗一個月唔夠，每日返工都唔會講超過3句說話，靜過圖書館。

上司又唔理我，所有嘢都係自己研究點做，唔識問上司，得到嘅回覆係都唔清楚，唔知道。誰不知我今日發現公司登廣告請我個位……工作上可能做得唔夠好，但覺得責任未必完全喺我度，佢都有責任，對新人又唔講唔教……心情好複雜，唔知自己走好定畀人叫走好……

網民：做乜咁唔安份走去睇搵工網站？

網民：肯定因為間公司好難頂，所以要跳糟！

網民：等佢叫你，賠7日！

網民：唔好太上心，做得唔開心你都有權搵工架！加油！

網民：搵過份正常嘅工啦！

網民：唔可以係請多個咩？

網民：啲請人廣告有啲係流㗎！咪諗咁多，即管搵定份新，反正都做得唔開心。

網民：梗係玩大佢，鬧爆老細一鑊再走人啦！

網民：可能個ad係package，唔止登一次，所以唔好擔心啦！

網民：有啲ad係買一個月package，就算請到人都會繼續登ad。未過試期。夾就繼續做；唔夾咪分。好平常。唔好畀太大壓力自己。

網民：登廣告啫！真係叫人嚟interview 先算啦！如果做緊嘅唔係太辛苦又或上司太難頂，梗係等佢炒啦！

網民：樂觀啲睇，我之前份工個位喺我未過試用期之前，都係keep住請人，因為佢都預我隨時唔做。

網民：咩職位先？如果是低層請多個唔出奇，但如果是中高層，咁就快啲騎牛搵馬啦！

網民：我試過類似情況，未做夠一個月已有headhunter話我知。後尾我走咗後，佢哋到而家一年都未請到人。其實係間公司唔正常，當行衰運就算啦！

網民：最憎返新工無人話你知做乜同點做，乜都自己估……

網民：諗咁多做咩？只會破壞自己心情，盡力觀察人地點做，問嘢前諗清楚先問，呢份工得唔得、啱唔啱遲啲先諗，畀一兩月自己當學嘢提升，佢炒你咪當大家無緣份囉。

招聘廣告未為真？　網民：唔需要過份擔心

事主至今只入職了約一個月，卻因看到同一職位的招聘廣告而感到不安，許多網民認為事主杞人憂天，提及招聘廣告未必是真心打算請人，向事主大派定心丸。一名網民則指：「有啲ad係買一個月package，就算請到人都會繼續登ad。」實際上，企業於招聘平台刊登廣告須支付平台費，而平台費或可能以套餐模式銷售，一些職位廣告或可在數個月內重覆刊登，部分公司或可能在期間尋到合適人選，因而出現新人看到自己職位仍在招聘的現象。

有網民則提及，事主獲聘後短期理應不需再尋找工作，發現相關廣告暗示了新工作並不如意，勸告事主：「反正都做得唔開心，即管搵定份新。」事主明言，公司對新人支援不足，只能獨自研究手上的工作，有網民甚有同感，更表示「最憎返新工無人話你知做乜同點做。」

縱使如此，職場選擇屬於個人，去留與否應先要深思熟慮，以免做錯決定。另外，企業應向新人提供適當協助，避免人員流失，在短期內再次花費招聘成本。

盤點奇怪招聘廣告用語，「90後團隊」都是賣點？如果有介紹費做唔做得過呢？

+14

+13