Next
【職場八卦】下屬人工高過經理 事主：唔想轉工但覺得好屈就！
【職場八卦】下屬人工高過經理 事主：唔想轉工但覺得好屈就！
2023-02-24
為求大幅度升職加薪，很多打工仔每隔一兩年就會轉工，讓薪酬加幅得到保障；亦有部份打工仔忠心不二，冀求服務多年終會獲公司大幅度加薪。最近有網民於香港討論區發文，指自己身任公司經理逾5年，但薪酬竟然比上任經理少一大截，曾因加薪問題向公司理論不果，開始對工作失去熱誠。而更令事主氣憤的是，連公司新聘請的無經驗新同事薪酬也比自己更高！每天帶領指導新同事工作更令心中不是味兒⋯⋯
即睇事主分享：
事主：我40幾歲，喺呢間公司做咗5年幾，初初入職經理時因為急住搵工將自己人工壓低咗幾千蚊。公司好快請咗我，簽約先知份人工無花紅，變相又少一截人工。
事主：初入職一個月，就發現前經理份人工高我成萬幾蚊，心理好大衝擊！
事主：佢只係做咗唔夠1年就無做，當時安慰自己目光長遠啲或者遲啲會有機會可以加多啲人工！
事主：事與願違，每年加薪不似預期，連當初公司承諾嘅Rate都無。曾經試過因為加薪問題同GM理論，結果當然無希望。
事主：佢都係一般官腔咁解釋，咩大環境經濟差、呢個位其實唔需要經理職位之類⋯⋯難聽過粗口嘅說話都有。
事主：開始工作無熱誠，但求穩定，一直自欺欺人份工嘅工作量唔多⋯⋯
事主：到上年，公司請咗個年紀細我十年、無呢行經驗嘅新同事，而佢人工竟然高我$2000幾！
事主：幾個月後，佢跟嘅短期Project爛咗尾，公司要佢過我部門跟我，仲要我教佢嘢、Lead住佢⋯⋯日日都覺得好屈就！
事主：本身對份工無咩意見，工作上晒手好輕鬆、同事又易相處、公司背景又夠穩陣、地點又好，係個GM好難相處、隻手遮天⋯⋯
事主：小朋友仲細，我年紀又唔細，我十萬個理由唔想轉工，但人工問題就好似一條刺，份糧真係啱啱好收支平衡無錢儲到，搞到心理愈嚟愈唔平衡⋯⋯
即睇網民回覆：
網民：其實你心入面都知你唔想喺呢間公司做，因為當初係自己開低價吖嘛！如果有屋企人支持不如轉工啦！
網民：相信好多公司都係咁，但員工好難發覺。老生常談，魚唔過塘唔肥，一般薪酬要有大幅調整，唔計升職呢個因素，係只有跳槽！似乎係唯一出路⋯⋯
網民：搵工跳槽唔難，但有機會跳到另一個火坑。所以一動不如一靜，少咗幾千蚊但份工啲嘢又上晒手，如果唔係好Aggressive嘅人，轉工代價又變相大咗。
網民：人工差咁遠都忍到五年幾？接受現實檢討下，轉工喇！
網民：唔想轉工但又想加人工，就要喺出面見工攞咗Offer，再拎住個新工Offer問舊公司加人工，唔加即走，橫掂請新人跟市價都係要加新人人工，舊公司肯加咪留低。
即睇加薪談判5大技巧：
1.開門見山
直接說出自己已經多久沒加人工，周遭物價也有通脹，令生活百上加斤。
2. 掌握時機
於公司定立來年預算，或者每年對員工的工作表現評核前提出加薪要求。以免錯失機會，要等多一年。
3. 清楚「市價」
Fresh Grad被underpaid非常普遍，累積了一定經驗之後，就要多了解市場行情，清楚其他公司相同職位的「市價」，令談判有市場依據。
4. 以百分比來談加薪幅度
上級對真金白銀的數字非常敏感，用百分比來談判會較易令人接受。
5. 說出自己的貢獻
上級眼中，員工薪酬與工作表現環環相扣。談判中突出自己為公司帶來的貢獻，讓他們清楚你的價值。
即刻按圖了解更多職場薪酬趣聞。
延伸閱讀︰【職場熱話】老闆出double人工 要求打工仔頂兩個人工作量 網民：有錢咩都得！
延伸閱讀︰【職場兩性】打工仔發現曖昧同事同老細係一對 但最後竟然因禍得福 仲加事主人工？
延伸閱讀︰【中年轉職】中女見中同人工高生活好想轉行 網民：唔好為名牌就轉工
延伸閱讀︰【職場文化】同事不停八卦自己有幾錢人工 網民：千祈唔好講！
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!