【渣馬後遺症】跑完渣馬腳痛請Sick Leave 網民：個個跑完都請咁公司咪好唔得閒？

最近的渣打馬拉松舉行得如火如荼，除了不少話題性人物參加比賽之外，選手受傷送院的數字亦比往年更高。有網友日前於網上討論區發文，指自己參加馬拉松後因為腰痛及腳痛舉步維艱。即使以往近乎沒有請過病假，但此次足痛之苦令事主不禁考慮破例申請病假。而一眾網友的反應竟然是⋯⋯

+3

+2

事主：我平時都好少請Sick Leave，就算唔舒服都係請Annual Leave。

事主：前幾日跑完渣打馬拉松，條腰同隻腳都好痛，行步路都有少少困難。

事主：不過我係做文職工作，返工又無需要點樣行路⋯⋯

事主：但內心又唔想因為自己去跑步而請Sick Leave，因為係可以避免得到。

事主：如果同事因為跑完步腳痛請Sick Leave，大家會點睇？

即睇網民回覆：

+7

+6

網民：你平時係咪無跑開步？嗰朝早有無熱身？跑完之後有無Cool Down？如果無，以後記得要做。

網民：以前成班同事玩完比賽第朝都係痛住返工，個個跛吓跛吓咁行。除非受傷，否則唔會請病假。

網民：如果你真係唔舒服，請Sick Leave好正常喎。咁你唔一定要好坦誠將病情同公司講啫⋯⋯

網民：以前行毅行者，星期五行到星期六凌晨，我都估到會攰死、痛死，所以星期一一定攞大假！你請病假無話唔得，但唔太好囉！

網民：如果預咗會好甘嘅話我會請多日假唞唞，去旅行我都會預留多1-2日休息。

網民：請Annual Leave個心會舒服啲，唔使同上司講咩原因病假。

網民：我老公每次跑完渣馬全馬都會放一日Annual Leave在家休息。跑完全馬對腳通常會痛幾日，就算有廿幾年跑步經驗都係咁話。

網民：最緊要過到自己嗰關啫！仲有AL咪請埋佢；無咪請SL，不過唔會話因為跑馬拉松腳痛，只會話發燒或者其他原因。

網民：老實講，老闆知道實唔鍾意。跑渣馬係個人選擇，咁行山跳舞跳到腳痛，唔通又請Sick Leave？

網民：有假咪請囉，有醫生紙就得啦！理得其他同事點睇？

為甚麼跑馬拉松有助事業發展？（按圖了解）

+14

+13

1：懂得設立明確目標
進行馬拉松訓練時，跑手必定會為自己設定明確及實際的目標，例如在某個時間內完成賽事。這種目標感在職場上十分重要，如果你期望在特定日子前獲得晉升，就要像跑步一樣朝著它採取積極的步驟，推動你在職業生涯中進步，而不是原地踏步。

2：學懂應對挫折
在進行馬拉松訓練時，不會每次都有好狀態，關鍵是學習如何應對不在狀態的日子並激勵自己跨越障礙。隨著時間的推移，你開始弄清楚可以做甚麼來減少挫折，這項技能若然應用在職場上，就可以提高工作效率。

3：訓練自律性
跑馬拉松需要制定大量計劃和遵循嚴格訓練制度，跑手要自律地跟從規定，以免訓練心血付諸流水。周密的計劃及自律性對於提升職業生涯非常有用，能讓你在工作中保持專注，做事更有條理，提高工作效率。

4：懂得激勵自己
要挺過逾42公里的馬拉松，除了要有強健體魄，心理素質也很重要。跑手在過程中要學會激勵自己捱過去並繼續前進，在職場中亦然。當你覺得工作不如意時，需要找到一個提升職場幸福感的方法，激勵自己向前行。

5：推動自己突破極限
每次跑馬拉松，跑手都會希望突破個人成績，即使快0.01秒也好。透過不斷擴大舒適區並作出改進，你將能夠看到自己變得更好，並更接近最終目標。在職場上，如果你願意承擔更多責任，或者學習更多技能，迎接挑戰，將把事業提升到一個新的水平。

6：學懂檢視成果
馬拉松跑手在練習時經常都要監察自己的表現，記錄跑步距離及完成時間。此技能轉移到工作場所中很有用，你可以培養定期檢視工作成果的習慣，分析自己的強弱項，按需要提升技能。同時，記錄工作成果亦有助在年度評核時，作為爭取加薪或晉升的籌碼。

7：適應團隊合作
大部分馬拉松跑手都有團隊成員一起練習，互相鞭策及激勵對方，培養出團隊合作精神。在大多數工作環境中，你必須與其他人一起合作，發揮團隊精神各展所長，使項目更加成功，營造出友好而高效的工作環境。

8：跟隨自己的步伐
跑馬拉松不同於短跑，一味向前衝未必能捱到終點，所以跑手會因應體能狀況而調整節奏，而不是盲目跟隨別人的步伐，才能安舒地完成賽事。對待馬拉松就像對待工作一樣，你可以創造屬於自己的做事方式，設定獨一無二的目標，才能擁有精彩的職業生涯。

即刻按圖了解更多職場熱話。

延伸閱讀︰【職場熱話】老闆幫全公司報下年渣馬 同事們讚好參與？  打工仔：收工想瞓覺多啲

延伸閱讀︰【職場熱話】被HR強迫染回黑髮 打工仔不滿：而家返學咩

延伸閱讀︰【職場熱話】大四歷史系學生嘆文科難找工作 事主：一早讀IT而家唔使咁愁

延伸閱讀︰【職場熱話】出完花紅逼員工捐款 事主：以道德之名行綁架之實！

最新專訪片︰
【星級斜槓族】港隊劍擊運動員吳諾弘專訪 中五停學決心打劍 東奧後卻遇職業生涯最低潮

⏩⏩  需要請人？立即刊登招聘廣告！  ⏪⏪