【職場熱話】新同事受躁狂上司惡劣對待 更差點被●● 網民:點解唔報警?

【職場熱話】新同事受躁狂上司惡劣對待 更差點被●● 網民:點解唔報警?

人生總會遇到數個「人渣」,這並非只能套用在感情事上,也能套用在公事上。如碰到難以相處的上司,打工仔應頗難度過每天的上班時間,甚至連工作也會變得討厭。當你的上司疑似有躁狂症,你又會如何處理呢?選擇啞忍,還是辭職呢?最近,有一大工仔到社交媒體專頁「奴工處」投稿,表示自己目睹有新同事與躁狂上司正面交鋒,更指該同事曾差點被上司毀容!

延伸閱讀:【職場文化】如何收服下屬的心?後疫情時代「好上司」必備5個特質

即睇投稿人分享及其他網民回應:(按圖了解)

投稿人:「我公司新同事,都未到試用期,但每日都被女上司問候,每次打開file覺得唔合佢標準,就一個file飛埋去,仲差啲毀容。直到今日,佢終於忍唔住拎住文具掉返去女上司度,直接同佢開片,嘈得好激烈,仲話而家佢自己走,唔使等被佢炒,勢要脫離癲婆上司!

其他同事就旁邊食花生,呢個女上司已經逼走好多人,而呢個新同事嘅上一手係因為被佢搞到要睇醫生,醫生建議佢辭職,先會請咗呢個新同事返來。至於我都準備遞信辭職,因為我屋企人同朋友都話呢個女上司心理唔平衡,做錯嘢好少事就鬧到人哋咁樣。」

網民:拍佢片搞大佢,幫佢上報啦!

網民:同佢片,激到佢爆血管都好玩!

網民:打人喎,告佢啦!

網民:點解唔報警?堅持報警,佢會怯!

網民:一個File飛埋就正!中咗即刻報警兼攞埋工傷。

網民:唔係工傷,告傷人,係私人之間,唔係公司賠。

網民:係刑事,蓄意傷人。

網民:點解HR又同佢癲係咁再請人?

網民:建議開名給應徵者提防提防。

網民:還拖當然係好事,但告到法庭,有理變無理,要即時報警告佢傷人,要有心理準備,其他同事未必會幫自己,或者企癲婆嗰邊。

網民:上司如何對待下屬,下屬就會點對待上司。一隻手掌拍唔響。

網民:你應該問老細,一係賠一年人工,我而家走。你可以即炒我,但我要報警先。

網民:我都試過畀女上司一枝筆飛埋來,跟手我立刻問侯佢母親,一個鐘之後被炒。

網民:呢種工作氣氛+上司,走就走梗啦!走之前搵一次同佢開場波,佢發癲掟嘢,你要癲過佢,即刻拎起公司電話喺佢面前報警。佢一定會笠水!

網民:好多公司都有呢啲女上司/老細,唔係親身經歷都無人相信,但親朋戚友話我成日遇到呢啲人係我有問題。

網民:我之前做嘢間公司又係,有個隔籬部門嘅阿姐想即刻做起嘢畀佢,我話無可能,要排隊,跟著佢一嘢成疊文件打埋嚟我張檯度,當堂成個人嚇親。依家諗返起,好彩我未夠試用期之前自己走咗,根本呢啲公司好多時候都縱容佢哋。

啞忍助長惡行 多名網民建議報警

網上多人對上司舉動嘩然,認為事態非常嚴重,非一般可於辦公室內處理,皆因正常合理的人會知道飛文件夾或會使人受傷。如果有同事因此而受傷,甚至毀容,建議事主或身邊目擊者報警,以制止上司暴行。根據投稿人描述,旁觀者只以「食花生」的態度觀看上司與新同事的衝突,未有伸出援手。

有網民則指,假若新同事報警甚至控告上司,目擊者(即其他同事)也可能因利害關係而未必站在新同事的一方。另有人提及自己曾遇上被飛物件的經驗,直言「當堂成個人嚇親」,更認為擁有這些員工的公司「好多時候都縱容佢哋」,助長惡行。

根據《侵害人身罪條例》(香港法例第212章)第39條,「任何人因襲擊他人致造成身體傷害而被定罪,即屬犯可循公訴程序審訊的罪行,可處監禁3年。」

職場多「小人」,即睇10種職場「小人」典型特徵!過度友善、悲觀主義者都要提防?!

 

(上述部分並非法律文件。有關法例條文的詮釋,仍以法例原文為準。若遇上類似事件時,應尋求法律專家之意見。)

延伸閱讀:【工作快樂】將「正能量」注入工作 HR為員工打造「快樂職場」

延伸閱讀:【人才管理】5個喺大辭職潮留住員工嘅技巧

延伸閱讀:【求職招聘】公司人才短缺 聘請學生7大好處

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Jobs You Maybe Interested In

刊登招聘廣告
;