Next
【無薪假期】員工請無薪假原因無厘頭 《僱傭條例》下僱主有權拒絕申請？
【無薪假期】員工請無薪假原因無厘頭 《僱傭條例》下僱主有權拒絕申請？
2022-09-19
香港生活壓力龐大，不少打工仔都嚮往放假，在繃緊生活中歇息一下。普遍本港企業每年向僱員給予約10至15天有薪年假，甚至有公司只根據《僱傭條例》（香港法例第57章）最低要求提供7天年假。休息日不多，無薪假是打工仔另一種遠離公司的休息方法，但經常申領無薪假或致身邊人不滿。
最近，社交媒體專頁「奴工處」有一打工仔投稿，表示其同事經常以無厘頭的原因申領無薪假，而網民指出有類人會成為最終受害者。
即睇事主分享與網民回應：（按圖了解）
事主：有個同事成日因唔同原因請假，連無薪都照請，原因有食滯、屋企漏水、扭親手指等。前日佢牙肉痛唔返，上司鬧佢，點知佢直頭影自己棚牙send畀上司，話真係好痛要請假……
網民：佢無薪假你理得佢？
網民：不過食咗一個人嘅quota，公司唔會因為佢請咗假而畀少咗嘢你條team做呢……
網民：其實我都患咗「返工周身病徵後群」！
網民：我公司之前有個咁嘅人，養咗佢2年，佢唔返工，淨拎公司褔利都開心。
網民：最唔明嗰啲阻住公司運作嘅唔會被炒，最終受害嘅只係肯做嘅同事。
網民：一齊請假將啲工作量射埋畀人，睇你死先定佢死先？
網民：一隻手掌拍唔響，事出必有因！
網民：影棚牙嗰句我真係忍唔住笑！
網民：唔通話你知出面有份part time好好pay，所以要射波咩！
網民：咁人哋no pay都請，唔鐘意咪炒咗佢。
網民：無薪假都要請，好明顯佢真係病。如果咁都要佢開工做嘢，你只係迫人轉工。
網民：先唔講佢啱唔啱，唔知大家有無發現一樣嘢，就係請NPL越多，其實除開時薪就越高，因為唔影響例假、勞假、大假。當然除非你唔怕有手尾跟啦，唔好話我教壞打工仔呀。
無薪假或增同事工作量
有網民認為事主多管閒事，無薪假只屬員工個人事務，他人不應過問。不過，多名網民則指，總體工作量不會因應無薪假而調整，任何人申領無薪假終會增加同事工作量。其中一個留言狠批經常找藉口告假的人，不明瞭為何「阻住公司運作嘅（同事）唔會被炒」，而「肯做嘅同事」最終只會受害。
部分網民則表示，無薪假不會影響每周例休時間，所以申領無薪假會提升時薪，有機會增加員工要求無薪假的意欲。另有人則提及，無薪假也不會影響員工福利，「佢唔返工，淨拎公司褔利都開心」。
無薪假未有特定法例條文
《僱傭條例》現時未有專門規管無薪假的條文，僱主有權拒絕員工申領相關假期。有關無薪假扣除薪金的規定，相近條文載於《僱傭條例》第32條(2)款，僱主有權「因僱員缺勤而扣除工資」。僱主如須依據此條款扣薪，必須注意（1）按時計酬者的扣款不得超過僱員缺勤時間成比例的款額，以及（2）相關扣款不得抵銷或部分抵銷僱員的假日薪酬或疾病津貼。
假如僱主要求僱員放取無薪假，必須注意《僱傭條例》下有關停工的定義，也有可能要向合資格僱員支付遣散費。
無論如何，打工仔應盡量避免頻繁申領無薪假，皆因相關行為會影響公司運作，也會增加同事負擔，事主上司與同事爭吵正好反映這個問題。
根據《僱傭條例》，僱主可於以下9種情況扣糧：（按圖了解）
就算請病假都未必有錢？！即睇打工仔對假期政策嘅3個常見誤解（按圖了解）
延伸閱讀：【解僱奇招】架空員工可令其自願離職？10大老闆迫辭職常用手段
Look out for further updates on our Facebook fan page!
Follow CTgoodjobs for the latest career news, hot topics and recommended jobs!