Next
【解僱奇招】架空員工可令其自願離職？10大老闆迫辭職常用手段
【解僱奇招】架空員工可令其自願離職？10大老闆迫辭職常用手段
2022-09-16
老闆手執企業內最高權力，可謂有員工的「生殺大權」，只要不滿意便可辭退或留難員工。話雖如此，僱傭雙方受到本港《僱傭條例》保障和約束，老闆如欲即時解僱員工就必須根據雙方簽訂的僱傭合約賠償代通知金。解僱員工牽涉人力成本，有些企業會選擇留難表現欠佳的僱員，但這些行為是否真的有效呢？
最近，有打工仔向社交媒體專頁「奴工處」投稿，認為一些老闆透過架空員工去迫人辭職是十分天真的行為。然而，竟然有不少網民同意這項說法？
延伸閱讀：【職場熱話】打工仔怨公司無野心浪費青春 網民：咁你又幫佢打工⋯
即睇網民回應：（按圖了解）
發文者：好多老細唔滿意一個員工，係唔會直接炒佢，而係抽走晒等佢冇嘢做。話佢冇癮就會辭職，係唔係好天真好傻？
網民：我唔介意接受呢種懲罰！
網民：咁爽，係我都留低hea啦！
網民：我試過被抽走晒嘢等我冇嘢做迫我走，但我唔走等佢炒我，結果佢炒我補一個月要我走。
網民：呢份工好適合夜晚去進修嘅人返。
網民：好正喎邊間？
網民：我返過幾份真係悶到要辭職……
網民：呢種方法對一啲好講責任嘅人可能有用嘅。
網民：其實幾好，擺明做隱形員工，齋逗人工。
網民：老細以為個個好似佢咁有事業心。大佬呀，我哋打工仔嚟㗎咋，搵兩餐食等死先完全符合我哋審美囉好冇？
網民：我舊公司都試過咁樣做，嗰個同事準時返工準時收工，辦公時間努力做完公司嘢，就繼續做自己嘢。我喺嗰度做咗幾年之後唔做，再返去探同事嗰陣佢仲喺度。
網民：有時真係唔明啲老細，明明份糧都係同一份，點解要留個無生產力嘅人喺度hea……
網民：呢啲老細真係好衰，有冇考慮人哋嘅感受，有冇擔心對方嘅前途，佢嘅人生意義係咩？老實講，想知貴公司嘅名係咩，網址係咩，點聯絡，仲有冇位請人？
架空未必有用？ 或取決於員工心態
許多人人定義「筍工」為責任少而高薪的工作，但在現實上，責任與薪金呈正比關係。眾多網民表示「唔介意接受呢種懲罰」，寧願「留低hea」，皆因工作被架空等於沒有責任，但同時卻仍有薪酬。「躺平」早已成為新世代趨勢，部分網民更跪求事主所提及的工作機會，打算做一名「齋逗人工」的員工。
架空職位或會增加其他同事的工作量，久而久之會構成群眾壓力，被針對的員工可能會受不住而辭職。不過，這種招數是否有效仍需取決於員工心態，有留言提及，架空只會對富有責任心的人有效。香港生活壓力大，許多打工仔的工作熱誠早已磨滅，有人笑言自己只是「搵兩餐食等死」，沒有老闆般的事業心。
另有網民認為，即時解僱更為乾脆，不明瞭一些老闆「要留個無生產力嘅人喺度」。
雖然失業率近期向下，但環球經濟依然充滿變數，較弱勢的公司或可能受不住營運壓力而需要解僱員工。事實上，許多老闆為了辭退猶如「眼中釘」的下屬都會出盡奇招，以下是老闆迫員工主動辭職10大常用手段（按圖了解）：
留意工作超負荷的6大信號，避免員工出現過勞！（按圖了解）
延伸閱讀：【職場熱話】公司裁員 僥倖留低但一個人做三個人嘢 創業家人又反對⋯
延伸閱讀：【轉工跳槽】同事遞辭職信後被針對 打工仔呻︰上司仲要逼其他人一齊杯葛佢
Look out for further updates on our Facebook fan page!
Follow CTgoodjobs for the latest career news, hot topics and recommended jobs!