Next
【勞工法例】有咗BB告知老細要請產假 老細：你哋夫婦開心關我乜事？
【勞工法例】有咗BB告知老細要請產假 老細：你哋夫婦開心關我乜事？
2024-01-16
職場中的懷孕歧視個案仍是屢見不鮮，明明大家都有媽媽才會出生，但竟然針對孕婦，對她們處處留難！更有僱主認為予懷孕員工放假產檢及放產假是「蝕畀員工」！
延伸閱讀：Speed Dating定用交友App好？ 最多單身職業係工程師、醫生……
有網民在社交平台專頁「奴工處」上以「你生仔你事？」為題，分享道：「我喺舊公司工作嘅時候，我有咗BB，我諗住同我老細單聲，可能之後間唔中要請假去產檢，老細回應：『係呀？恭喜晒喎！』我：『多謝！』老細：『（佢好似好幽默，講笑咁）話時話，其實你兩公婆開心啫，關我咩事呀？點解要我付出，畀假你去產檢同生仔？』我心諗，乜而家好好笑咩？」
有時玩笑不能隨便開，尤其這一類人身攻擊，帶有歧視成分的玩笑，不論是否「講者無心，聽者有意」，都是不尊重對方的表現！
即睇網民回應：（按圖了解）
網民：「你咪試吓唔好畀囉，到時肯定關你事！」
網民：「第一次當你講笑冇技巧，第二次我就當你認真；即係呢，歧視孕婦係可以告得入嘅。作為一名孕婦，你係可以產前抑鬱，可以爆喊，可以畀全公司聽到你爆喊嘅，咁上到庭，咪大把人證囉。(希望你老細唔怕人喊)」
網民：「我覺得佢之後有排講，一有機會就講，到時記得錄低佢喺平機會見。」
網民：「產檢請假就扣大假，清咗啲緊要嘢，有交帶就放得。產假就跟勞工法例，冇話你畀唔畀嘅，因為係一定要畀。」
網民：「你老細講得無錯，係不關佢事，只係關公司事，你不畀放假就係犯法。」
網民：「唔係你畀假，係勞工法例要求。」
網民：「話時話呀，原來你冇阿媽生？！」
網民：「其實佢呢句可以去平機會告佢。」
網民：「講真呀，你間公司搵唔搵到錢夠關我乜事。日日唔做嘢等佢炒，勞工處見。」
網民：「放完產假即走。」
網民：「單憑文字冇語氣好難判斷，又唔知你老細性格係幽默定庹縮。 如果幽默就佢只係講笑，係你冇幽默感。如果庹縮就係佢明知按法例焗放，暗串你攞彩。」
即睇勞工法例對產假和請假去產檢的解釋！
懷孕僱員因產前檢驗而缺勤，僱主是否須要支付疾病津貼？
懷孕僱員因產前檢查、產後治療或流產而缺勤的每一天，如有適當的醫生證明書*或到診證明書**，可作病假計算。在這種情況下，按連續性合約受僱的僱員如已累積足夠的有薪病假，每一天病假均可享有相等於每日平均工資五分之四的疾病津貼。
懷孕僱員可在甚麼時候開始放產假？
僱員可在僱主同意下選擇在預產期前2至4星期開始放產假。 如僱員沒有提出要求，或未得到僱主的同意，則須在預產期前4星期開始放產假。 如僱員在未開始放產假前已分娩，則以分娩日為產假開始的日期。 注意：分娩指產下嬰兒；流產指在懷孕24*個星期內排出不能於產後存活的成孕物體。如僱員懷孕不足24個星期，產下能存活的嬰兒或嬰兒在誕生後才夭折，則不屬流產。
詳情請參閱勞工處。
（資料來源：勞工處）
延伸閱讀：Speed Dating定用交友App好？ 最多單身職業係工程師、醫生……
延伸閱讀：Speed Dating活動種類多 整蛋糕、郊遊 最受歡迎竟然係…
延伸閱讀：【時鐘酒店】新式主題爆房吸年輕人 負責人：SM、和風乜都有！
延伸閱讀：【時鐘酒店】分手嗌交、玩屎都未算衰 最驚係成床OO！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!