【Headhunt搵工疑問】透過獵頭公司搵工有咩著數？打工仔：佢哋只係對份佣金有興趣咋……

獵頭（Headhunter）會幫助企業進行篩選履歷的過程，再按企業的需求，由獵頭轉介合適的求職者予企業，交由企業進行內部面試。透過獵頭公司搵工，企業既可以節省時間挑選合適的求職者，求職者亦能夠獲得多個面試機會。但是，有打工仔在網上討論區「Dcard」發文，直斥獵頭是雙面人，「始終都只係對份佣金有興趣。」

延伸閱讀：【CV疑雲】畀人盜用CV四圍send！網民：幕後黑手可能係你上司？佢想炒你好耐！

按圖睇樓主及網民回應：

+10

+9

樓主：有冇人會鍾意透過Headhunter搵工？我自己試過LinkedIn有3、4個Headhunter聯絡自己。不約而同地，佢哋一開始都會好似好關心你，想幫你搵份好工，但如果面試完冇結果，或者自己對份工冇興趣，佢哋都會即刻唔同態度，講到尾始終都只係對份佣金有興趣。

又試過有啲Agent只係問我邊日得閒，要我應承咗先，再畀公司資料我，叫我去In，而唔會問我想唔想做嗰間公司，因為畀錢佢哋嘅，始終係公司嗰邊。同埋啲Headhunter會教我面試，佢話面試都係做戲，講啲對方想聽嘅嘢就得，扮到好有熱誠，理念好相同咁。但我覺得唔使完全做戲，當然唔係完全講真話，但都唔好係咁講大話，冇咩意思。

自己亦試過被Headhunter問有冇興趣做Headhunter，佢話其實即係Sales，但自己興趣真係唔大。

網民A：又冇話鍾唔鍾意嘅，只係多一個Source去搵工。

網民B：唔係為份佣，唔通為咗你咩！

網民C：我用Headhunt搵嘅Offer都好過自己搵嗰啲喎。佢哋個佣係用你人工去計，自然有更大動力去幫你爭取高啲人工；而且公司用Headhunt搵，佢哋有責任，如果呢個人好快走，要一個月內搵人嚟補，唔係嘅話要賠錢。成件事根本三贏！

網民D：唔會抗拒，我上一份工都係Headhunter搵返嚟，有啲大公司嘅工係唔會公開請人，會透過Headhunter幫手搵人。

網民E：經Headhunter搵工係好正常嘅事，但個人經驗係大嗰幾間真係垃圾到不得了，反而有啲細細間做嘢更加上心！

網民F：Headhunter為咗拎佣幫人搵工都有得拎出嚟講……唔係為咗錢做咩要幫你搵工？同你有親咩！

網民G：如果你冇料嘅話，無論係自己搵定Headhunter搵，都唔會搵到工。

大部分網民均認為獵頭根據佣金做事並無不妥，更指如果沒有了金錢誘因，對方其實根本沒有需要幫求職者去搵工。另外，亦有網民提出，透過獵頭公司找工作的好處是對方會為求職者爭取更高的薪酬待遇，求職者不用自己出面與HR商討，減少出現尷尬情況。

睇埋：搵獵頭公司反而被人鬧？

+15

+14

睇埋：應否向獵頭公司透過另一個Offer人工？

+7

+6

延伸閱讀：【性別歧視】男性打呢啲工被看小？打工仔︰做HR唔敢講出嚟

延伸閱讀：【求職攻略】Job Agents 究竟有咩用？ 打工仔嬲爆：問長問短又無下文

延伸閱讀：【見工面試】經agent搵工點知中伏？求職者無辜錯失面試機會

最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗

⏩⏩  需要請人？立即刊登招聘廣告！  ⏪⏪