【45歲提早退休?】打工仔服務公司16年 疑因1個政策被辭職 如何計算長期服務金及遣散費?

【45歲提早退休?】打工仔服務公司16年 疑因1個政策被辭職 如何計算長期服務金及遣散費?

打工仔如果願意在同一間公司服務多年,相信對公司也有一定感情,但是如果公司突然要求你提早退休,你又會有甚麼反應呢?有打工仔在社交平台專頁「奴工處」投稿指,最近被任職10多年的公司要求提早退休,他認為原因有可能是因為一個政策,更表示「希望喺同一間公司做得耐嘅朋友要有心理準備,亦祝願大家能夠順利過渡。」

延伸閱讀:【中年危機】人到中年越嚟越怕見工!每次見工都會畀HR質疑 網民:好多公司見你年紀大就會質疑你能力方便壓價

按圖睇係咩政策令公司要炒人:

樓主:我喺公司做中層管理做咗16年,工作稱職,一直深受上司信任。但無奈喺5月尾,公司突然叫我提早退休,但我只係得45歲。最後冇辦法,拎返39萬長期服務金離開。我諗公司嘅決定,可能同距離取消強積金對沖越嚟越近有關,希望喺同一間公司做得耐嘅朋友要有心理準備,亦祝願大家能夠順利過渡。

網民A:所以,無論間公司對你幾好,都唔好同公司講感情。到佢要裁走你嘅時候,佢唔會同你講感情。

網民B:45歲好後生,要搵過份都唔難。

網民C:應該唔太關取消強積金對沖事,因為係由生效日起計開始供嗰Part先唔可以用黎對沖,無追溯力。但有啲公司為咗方便計數,要求員工由生效日起重新簽新Contract就真。換言之,唔會因為條例生效咗,間公司就唔可以喺呢16年入面嘅MPF拎39萬出嚟畀長期服務金,應該純粹想Cut Cost。

網民D:無啦啦多39萬仲想點?

網民E:39萬可能只係幾個月人工,係慘嘅。祝事主早日找到新嘅事業!

網民F:乜嘢中層長期服務Max先得嗰39萬?

網民G:其實45歲仲有能力找新工作,跳出舒適圈,加油!

網民H:當提早攞返MPF,自己投資自己決定啦,擺喺人哋度仲要每月計你管理費;45歲做開管理層都未必難搵工嘅,始終有啲職位係好講求經驗。加油!

網民I: 個市真係差,不過公司送多15萬畀佢算係咁,又畀佢拎多24萬走唔使等到65歲。

網民J:到65歲都唔知有無得一次過拎返。

網民K:嗰39萬係唔可以做嘢先有得拎㗎嘛?點解唔係叫「辭退」,而係叫提早退休?有冇人可以講講?

有網民問及為何公司選擇以「提早退休」作理由,而非直接辭退樓主。根據「社區法網」,當僱員受僱不少於5年,僱主必須在下列情況下向僱員支付長期服務金(LSP):

  1. 員工被解僱,但解僱理由不是因為嚴重失職或裁員;
  2. 員工因健康原因辭職,需要由註冊醫生提供證明;
  3. 員工年滿65歲並因退休而辭職;或
  4. 員工在職期間去世。

但是,要注意,自行辭職並不會獲得長期服務金,除非你滿足以下任一條件:

  1. 因健康原因辭職,並提供由註冊醫生或註冊中醫師簽發的證明,證明其永久不適合從事現有工作。
  2. 年滿65歲退休辭職。

換言之,因個人原因或尋找新工作而辭職的情況下,員工無法獲得長期服務金。因此,如果樓主是因裁員而被辭退或自行辭職,有可能會失去這筆長期服務金,故選擇以「提早退休」方式離職。

那麼,員工又該如何計算遣散費及長期服務金呢?

長期服務金計算方法

(最後一個月的工資* x 2/3) × 可追溯的服務年資

*工資上限為22,500元,長期服務金最高款額為39萬元

例子一:服務同一公司5年,人工為45,000元

以服務同一公司5年計算,假設最後一個月工資為45,000元,由於工資計算上限為22,500,所以計算公式應為(22,500 x 2/3) x 5,計算出長期服務金應為75,000元。

例子二:服務同一公司35年,人工為45,000元

計算公式為(22,500 x 2/3) x 35,可以得出58.5萬元,但是由於長期服務金最高款額為39萬元,因此這個情況下,事主只可獲39萬元。

例子三:服務同一公司10年,人工為20,000元

計算公式為(20,000 x 2/3)x 10,計算出長期服務金應為13.3萬元。

值得注意的是,僱員不會同時獲得長期服務金及遣散費,如果對計算方法有疑問,可以瀏覽勞工處的網頁或致電勞工處電話熱線2717 1771。

睇埋退休後想復出?唔係咁易㗎…

邊行最多人離職、被炒?

延伸閱讀:【世代差異】7成父母不願犧牲退休生活向子女提供經濟支援 專家:造成1個嚴重問題

延伸閱讀:【職涯規劃】38歲慘遭公司解僱!要養家又唔想由低做起點算好?網民分享過來人經驗!

延伸閱讀:【職場理財】結婚13年仲係負資產?專家點出致命傷!用3招可以防超支、增儲蓄?


最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【文員人工】Clerk返工做咩?要具備有咩條件?文員入職要求、工作職責、薪酬及發展前景一覽!

  • 【致富攻略】想有富裕人生!能力同學歷唔再重要?內地調查:呢個係關鍵因素!

  • 【辭職學問2024】近3成人計劃於年底前辭職!最受影響嘅行業係?

  • 【行政文員】Administrative Clerk工作內容係?同Clerk同Admin有咩分別?行政文員入職要求、工作職責及薪酬一覽!

  • 【職場性別歧視|勞工法例】公司未曾招聘男同事 求職者面試被通知不獲聘用 僱主有否違反《性別歧視條例》?

  • 【香港就業市場】香港失業率維持3% !勞福局:各行業失業率維持低水平!

  • 【面試秘笈】面試觀感有得練?1個方法教你點改善HR對你嘅第一印象

  • 【行業趨勢2024】最多人被炒嘅行業係?呢個行業近1.2萬人遭解僱!公開7大行業曾工作失業人數!

  • 【語文系出路│Jupas選科】5個適合外語系畢業生嘅職業 呢份工起薪點逾3萬!

  • 【電郵禮儀】打工仔唔同人講就直接Send Email叫人做嘢代表冇禮貌?網民:視情況而定!

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow