【面試失敗】以為入到final interview 獲聘機會大？被拒絕後應該點調整心態？

CTgoodjobs' Editor

Published: 2025-01-03

Updated: 2025-01-03 14:50

在求職過程中，面試失敗是許多畢業生和求職者必經的挑戰。有網民在討論區Dcard上以「面試失敗可以點調整心態」為題發文分別，指自己進入了最後一輪面試，心中充滿期待，以為獲聘的機會已經非常大時，卻最終收到拒絕信，這種失落感往往會讓人感到沮喪和困惑。很多人可能會懷疑自己是否存在問題，或者是公司內部的原因導致未能成功。然而，無論原因如何，面對失敗後的心態調整至關重要。

即睇事主分享及網民回應：（按圖了解）

+19

+18

事主：「最近報緊grad job，今日啱啱收到一個reject嘅email，係第一份入到final step嘅工。我都知道第一份final step就offer都幾難，但自己真係幾鍾意呢個program，同因為佢有中英以外語言要求，覺得應該係競爭最細，結果都失敗咗。

最大感覺就係好唔甘心，咁辛苦過咗幾輪online test，搭幾個鐘車用咗成日時間見工，最後所有事回到原點。想請教下各位前輩，可以點調整自己心態應付下一次機會？頭先有個今日deadline嘅video interview 完全冇心機做，應該都炒咗……」

網民：「一份工幾十人爭，好多時除咗實力，運氣更重要，中英以外語言係普通話？如果係，你就誤會咗『代表少人爭』。」

網民：「唔使在意，冇幾多人收offer率100%有50%至60%已經唔錯。而且請/唔請嘅原因有好多，奇奇怪怪你估唔到，未必同interview表現有太大關係，我in過一份要考試嘅，我大概只識一半，不過in完臨走，佢話啱啱老闆經過睇我個樣好老實，應該有offer畀我，最後in完3個鐘，收到offer，我推咗。」

網民：「有時interview表現幾好都好，都係睇interviewer嘅心情……or even一個無interview 過你嘅人都有機會影響到。有次我搵過一間中資券商，做啲IT位，有另一個競爭對手ask for 嘅package 差唔多，我technical好啲，佢就experienced啲，interviewer 都十五十六。最後interviewer 個老細一句『揀另外一個啦！前面嗰個未做過中資，唔可靠。』我就完玩。interview 有時其實好兒戲。Anyways，加油！the best is yet to come.」

網民：「可能對手人工平過你，唔請嘅原因千奇百怪，唔需要太介懷。」

網民：「我同你嘅情況都一樣，都係到而家都係冇，都會有啲擔心之後究竟有冇工。」

網民：「可能不是心態問題是實力。可能你實力未夠，可能你對手太強。」

網民：「我都試過！in過一間真係好想做嘅公司，past咗written test，但第2輪interview之後就冇回音，嗰陣個人真係好焦慮，成日都喺度等電話。後來確定係冇Offer之後仲成日諗返起當日interview嘅細節，係咁諗自己係唔係邊條問題答錯咗。真係唔開心咗好耐，但後來自己都踏入職場之後先明白，見工呢啲嘢真係好睇運氣。例如自己老闆請秘書嘅時候見咗兩個，明明個女仔有經驗同埋表現好好多，但最後個老闆覺得男仔襟鬧！同埋可以幫佢搬搬抬抬，所以就請咗個男仔。所以真係好睇緣份！加油呀！」

網民：「咁難嘅工，你去到final step已經好勁好叻啦！好多人連第二個第三個step都過唔倒。同埋佢個post請幾多人先？請一個的話，HR係鍾意搵有經驗嘅人，你啱啱grad唔請你係超正常。另外，而家大把人學外語，even有人working holiday再返來，或者外國德國英國留學返來，競爭力仲強。如果你final step入唔倒，你可以諗吓係因為無工作經驗？因為social skill（其他candidate把口更叻，哄得interviewer開心）？定嗰份工要一定技術水平（有人學歴更好）？有人寫咗個性價比更好嘅人工？btw HR有時想請個長遠留喺度嘅人，你interview要畀信心佢你會係嗰度做成10年。」

調整心態的方法

1. 接受失敗的現實：
失敗是人生的一部分，每個人都會經歷。接受這一點可以幫助你減少自責和沮喪。將失敗視為一個學習的機會，而不是對自我的否定。

2. 反思與總結：
在面試後花一些時間進行反思，思考自己在面試中的表現，包括哪些地方做得好，哪些地方可以改進。這樣不僅能幫助你提升面試技巧，也能讓你對未來的機會更加有信心。

3. 尋求反饋：
如果可能，可以主動聯繫面試官或招聘負責人，請求對你面試表現的反饋。即使他們不一定會給出詳細的意見，但任何建議都能幫助你了解自己的不足之處。

4. 保持積極的自我對話：
在遭遇挫折時，自我對話非常重要。用積極的語言來鼓勵自己，例如「這只是一次經驗，我會做得更好」或「我有能力找到合適的工作」。這樣可以幫助你保持積極的心態。

5. 設定新的目標：
不要停留在一次失敗上，而是將注意力轉向未來。設定新的求職目標或學習計劃，例如參加專業課程、提升技能或擴大人脈網絡。這樣可以讓你保持動力，並為下一次機會做好準備。

面試失敗並不意味結束
在求職過程中，面試失敗是一個普遍的挑戰，特別是對於許多畢業生和求職者來說。一些網民的分享和回應，他們提供了不同的觀點和建議，強調面試過程中的競爭激烈以及運氣因素的重要性。許多人認為，即使在面試表現良好，也可能因為其他候選人的背景或公司內部考量而未能獲得錄取。因此，求職者不應該將拒絕視為對自我價值的否定，而是應該從中學習、反思並調整心態。

面試失敗並不意味着結束，而是一次寶貴的學習機會。求職者應該接受這一現實，保持積極的心態，並尋找改進的空間，以便在未來的機會中更加出色。最重要的是，要記住，每一次面試都是一個成長的過程，失敗只是通往成功的一部分。

延伸閱讀：【見工面試】Interview後冇offer有原因？20大職場新人未被取錄的可能性！教你調整搵工心態！

+24

+23