【見工面試】In完即請嘅都係伏工？網民傳授1招辨清！如果有呢個特徵似中伏？

香港物價持續上漲，生活逼人，若在沒有收入的情況下坐吃山空，絕對不是個好方法。為求盡快找到工作，求職者或會心急、一時大意，誤堕「伏工」陷阱。

有求職者在網上討論區Dcard諮詢網友意見，問到「馬上取錄的是否『伏工』？」網民都紛紛提供個人意見，有人傳授1招予事主，好讓他能辨認「伏工」。

點圖了解更多事主分享：

+18

+17

事主：「到底有冇工，係面試完即請，但係好公司嚟，唔係伏工？有冇類似遭遇嘅人可以分享吓？真係好猶豫！好猶豫！好猶豫！」

網民回應：

A/我見嗰份係面試完即請，但係筍工，因為上一個員工搬屋離職，你都可以試吓面試嗰陣，問吓對方，上一手係咩原因唔做再判斷。

B/我係即請，隔兩日直接返工，意外係份正工，人工高福利好。單純係前員工離職，上司左揀右揀，唔滿意應徵見嘅人，但拖得太耐，一見到啱心水嘅人就叫佢快啲嚟返工。當初都怕，想話唔滿意就閃人，真係好慶幸自己有去返工。

C/係！（個人經驗）

D/我個人遇親係9伏1好，9成都係伏嚟，所以一到人就請，結果做得唔耐，又即刻唔做，無限輪迴。1成係老闆太好人，懶得積極搵適合嘅人，咁啱見到就請。我建議係可以去做1、2個星期先，一Feel到唔對路就即刻走！

E/ Have faith in yourself. No worries.

F/個人經驗：朝早面試，下晝HR就打嚟通知話請，隔2日去返工，結果係好工，會咁急住請人係留3日畀你同上手交接。唔可以話即刻請就係伏工，但只係係好工嘅機率好低。

G/遇過有工係即請，結果個位伏到不得了，到而家間公司仲請緊嗰個位。

H/話唔埋，一切都係睇運氣。

I/我嘅經驗幾OK，係Send CV到面試只係隔咗1個星期，面試完咗隔日就收到電話，隔3、4日就開始返工。我上司意思係多數睇完CV，確定要請就會叫人嚟面試。我目前做咗2年，升職都順利，畀你參考吓！

J/我嗰份面試完就請，仲話願意等我半個月時間，近排返工，發現份工好正。

K/你要睇吓個職位空缺咗幾耐，你嘅專業係唔係公司需要嘅，如果你完全冇經驗，但你Send CV去隔日就請，一in完你，當日即請，又講話人工高過最低工資，可以話9成係伏工。

L/遇過有啲係半個月先通知，份工都係好差。

M/呢啲工唔係筍工，就係伏工，好嘅可能係因為缺人，老闆趕搵人，衰嘅就係因為一直換人，一直搵。我都係即刻畀人請，人工低又自閉嘅伏工，但都算爽，一日返2個鐘工，就可以做瞓覺以外嘅事。

N/個人經驗係，換咗幾次工都係即請，得到幾好嘅Offer。不過，我覺得好似Dating咁，如果面對面冇乜火花，但對方突然話要請，咁就要小心嗰份係咪伏工。

對事主提出嘅問題，引發網民熱烈討論，有不少人指，自己遇到馬上獲聘的情況，有不少是筍工，只是對方老闆太急於請人；有網民就表示，個人經驗10次面試後即收Offer的情況中，只有1次是好工，其他的都是伏工，他認為可以先入職1至2周再判斷。

有網民就分享心得，指假如求職者發現自己的專業，並非應徵工作所需要，沒有相關經驗，應徵工作後1天馬上收到對方邀約面試，更在面試後即請，甚至說是人工高於最低工資，9成是伏工。會否遇上伏工，除了視乎運氣外，亦在於求職者的觀察，假如在面試時覺得不對勁，就不要上當。（點圖了解更多）

+10

+9

即睇網民提出5大HR古怪行為：

+15

+14

延伸閱讀：【見工面試】1個鐘面試講10分鐘嘢！最後竟然獲招聘？網民拆解背後原因！

延伸閱讀：【見工面試】CV上要寫MBTI？面試講自己MBTI會否影響取錄機會？

延伸閱讀：【見工面試】禮貌取消面試 反而畀HR鬧？事主嘆：揀公司真係要小心啲！

最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人？立即刊登招聘廣告！  ⏪⏪