【求職招聘】口頭接受Offer竟被HR壓價！推晒其他公司點算？網民：冇白紙黑字聽吓好啦！

CTgoodjobs' Editor

Published: 2025-06-13

Updated: 2025-06-13 16:46

收到心儀公司的Offer，絕對是讓求職者感到無比興奮的事。有時，求職者會因為過於高興，而忽略細節，導致恨錯難返的狀況。

有台灣求職者在網上討論區Dcard吐苦水，指自己本來口頭接受一間公司的Offer，但對方卻臨時壓價，令已經拒絕其他公司的他感到不知所措，網民回應指，「未有白紙黑字記下，就不要太認真。」

點圖了解更多事主分享：

+15

+14

事主：「上星期我收到某間公司通知，話取錄咗我，我問佢可唔可以出封信畀我，佢話我應承，就會出封信畀我！嗰陣喺電話講明月薪46,000台幣（約11,745港幣），完全超出我嘅預期，所以我都好高興咁應承會去，公司就開始正式招聘嘅流程，話之後會寄信畀我，亦都講明到職日期。

其他公司Offer嘅人工，大概係41,000至43,000台幣（約10,469至10,979港幣），我嗰陣就拒絕咗佢哋。冇諗過，今日嗰間公司嘅HR打嚟，話Run完個流程，管理層想壓我價，將人工改做42,000台幣（約10,724港幣）……問我仲想唔想做份工喎。

我覺得好唔忿氣，我都為咗你哋拒絕其他公司……但你居然要改我人工，雖然話可以告間公司，但好難舉證，有冇人話我知可以點做？」

網民回應：

A/冇拎到Offer，嗰啲嘢都係假嘅。

B/你個人都未入公司門，間公司已經咁壓你價，你上司係咪想試吓你係咪咁好恰。

C/你可以同HR講，你同時收到其他出價46,000台幣（約11,745港幣）嘅公司，但因為好鍾意貴公司嘅工作內容，覺得自己嘅專長可以貢獻到畀公司，但無奈人工不合預期，差異難以接受，所以想麻煩HR再同高層傾吓人工問題，希望能夠維持原來嘅46,000台幣人工。之後你可以等HR回覆，一邊搵吓工。

D/如果你好有實力，就再去其他公司面試，如果覺得搵工好焦慮，就騎牛搵馬，始終間公司咁壓你價，你都唔知未來會發生咩事。

E/冇白紙黑字寫低嘅嘢，真聽吓算啦。

F/呢啲係常用嘅壓價手法。

G/如果唔係真係咁急，我唔會去，呢啲咁嘅手法，令我覺得好唔舒服。

H/公司根本就言而無信，呢啲真係咪搞。

I/記住打電話要錄音，咁都係保護自己嘅手段。

J/誠信唔係基本咩？咁都做唔到，就唔使去報到。

K/未正式收到Offer之前，其他工作係唔可以放棄住。

網民都指這種手段是公司常見的壓價手段，有人指事主可以禮貌地向HR詢問，能否以原來的價錢聘請自己。有網民就建議事主視乎情況，若生活有壓力，可以先接受Offer，再騎牛搵馬，再叮嚀事主，公司如此言而無信，未來可能會發生更意想不到的事情。有人坦言，在未正式收到Offer前，其他公司的邀請都不能放棄。事主在收到口頭Offer時，可以先詢問公司需要花多少時間，才能出到正式Offer，若對方無法回答的話，或者事主就要考慮是否要接受這間公司的Offer。

收到Offer應該如何爭取加人工？（點圖了解更多）

+32

+31