【見工面試】1個鐘面試講10分鐘嘢！最後竟然獲招聘？網民拆解背後原因！

工作面試中，求職者都希望盡可能向招聘人員表現自己最好一面，讓對方知道自己是職位的最佳人選。

不過，並非所有面試都能如求職者所願，在網上討論區Dcard有求職者分享個人經歷，指自己面試過程的1小時間，只說講了大概10分鐘，其餘時間都是上司自說自話，最後竟然獲得對方聘用，令他大感驚訝，有網民就拆解背後原因。

點圖了解更多事主分享：

+12

+11

事主：「前排去面試一間公司，係個男上司同我傾，對睇落就係好多嘢講嘅類型，用熱情寒暄嘅方式去開頭，後來到入正題先自我介紹。我本身係個冇乜嘢講嘅人，只係準備咗大概1分鐘嘅自我介紹，結果短短嘅自我介紹，就畀人打斷咗2次，對方只要聽到有疑問嘅部分，就會插嘴問問題，然後個話題走向就變到好亂。

第2次畀人插話，我果斷放棄，就順住對方講嘅嘢，繼續講落去（連自我介紹都未講完）過程嘅1個鐘裡面，我只係開口講咗10分鐘左右，大部分情況都係『嗯』、『係』同『原來係咁』之類嘅嘢。

感覺到對方有努力喺度介紹個職位空缺，從公司文化、工作環境到福利，再到佢任職多年嘅心得等等，甚至願意同我傾，為咗我嘅專長，喺團隊做調整，都有傾到薪酬。但有種好違和嘅感覺，感覺對方非常希望我加入佢嘅團隊，但佢對我個人好似冇乜興趣？？

本來諗住應該唔會收到Offer，點知今日就畀人請。到底係咩事？老實講真係成頭問號，有冇人追過呢類型嘅主管？之後有冇後續？有冇咩心得？感覺我唔太識應付呢類型嘅主管，甚至有啲萌生唔想返工嘅念頭，會唔會太誇張？」

網民回應：

A/你會聽主管嘅話，唔會頂嘴。請！

B/呢啲都係唔夠人用嘅語言藝術！

C/勸你唔好聽晒網民亂講，好多時入去嗰陣先係最準確。我試過見過間公司，喺網上面評論好差，但入到去做，發現係間好好嘅公司，份工好好做。不如入去做吓先再決定，可能你會鍾意。

D/我嘅經驗係，當你入到去，都係你上司喺度講，員工嘅話語權好少。

E/我噚日In都係，對方一直介紹同講，我就聽，適時問吓想問嘅嘢，內心覺得好似要走，返屋企分析過，唔對路，快啲走，好多唔合理嘅地方！

F/佢哋要嘅係聽聽話話嘅人。

G/感覺唔係太對路，一開始就咁囉唆，冇聽人講晒所有嘢。之後照佢講咁做，目前應該好缺人，除非工作內容你都好有興趣，否則勸你都係睇多陣其他工先。

H/上司最鍾意你只係「嗯」，聽話又唔會駁嘴。

對於事主的疑問，網民都紛紛提出個人看法，指上司大概是喜歡事主夠聽話，會願意聆聽對方講的話，不會反駁。有人分享經驗之談，指這種情況，入職後話語權大槪會很少。有人提醒事主，假如覺得工作不對勁，最好就不要到職；相反，有網民提醒事主，最好還是到職親身感受工作是否適合自己，不要道聽塗説。

怎樣回答HR才能討得對方歡心：（點圖了解更多）

+18

+17

即睇求職者在面試可以問甚麼問題！

+19

+18

延伸閱讀：【職場英語】7大職場用語你要識！「Chair a meeting」、「Reshuffle」又點解？

延伸閱讀：【職場理財】自覺理財不遂 有可能理財能力比想像中好！5個理財指標 判斷財務健康與否！

延伸閱讀：【職場溝通】到職1周被上司「照肺」 全因1個理由！打工仔：點解要請我？

延伸閱讀：【職場文化】同事學歷低、工作少、年資少 但人工竟然高過自己！

最新專訪片︰

【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱

⏩⏩  需要請人？立即刊登招聘廣告！  ⏪⏪