Next
【見工面試】獲公司取錄卻遭母親大罵 求職者：咒我未過試用期就被炒⋯
【見工面試】獲公司取錄卻遭母親大罵 求職者：咒我未過試用期就被炒⋯
2022-09-08
成功求職是不少人的目標，普遍畢業生都希望找到心儀的工作、賺取薪金，透過支付家用孝敬父母。可是並非所有父母都看出他們的苦心，網上討論區Dcard有畢業生分享自己的經歷，他指告知母親面試成功的消息，卻遭對方大罵：「被咒未過試用期就被解僱⋯」
點圖了解更多事主經歷：
延伸閱讀：【職場貼士】待業期間無所事事？5個規劃有效降低求職焦慮
延伸閱讀：【職場貼士】5個開會不再浪費時間的方法
「我係應屆畢業生，經過好多個面試之後，我終於收到其中一間嘅取錄通知，我將呢個開心嘅消息話咗畀我阿媽知，點知佢成朝就係咁鬧我。
因為我啱啱畢業，去邊間公司見工之前，我都有同我阿媽講，因為怕會入咗奇怪嘅公司，所以就有問佢意見。
結果，我阿媽聽到我入咗某公司，佢就一直鬧，因為佢鍾意其他公司，於是佢就成朝都喺度鬧我，仲咒我話『你一定做一日就被炒，試用期未過就被炒！』一直喺度講講講，真係好後悔同佢講咗我去咩公司見工。」
網民回應：
A/你理佢做咩啫，做嘢係你嘅事，佢鍾意另一間公司係佢嘅事，定佢要做埋你嗰份？
B/到底你係去做嘢，定你媽去做？畀啲主見，同埋上網做吓資料搜集，起間公司底
C/同你阿媽講：「我唔係要你覺得好，係要我覺得好嘅公司」如果被趕走，咪當自己重獲自由囉
D/啲阿爸阿媽控制欲強到呢，我媽都試過問我點解唔入邊間公司
E/你要大個啦，唔好做裙腳女，出社會之後搵嘢做係自己嘅事，唔好因為屋企人影響自己嘅人生
F/你問佢「呢個係我嘅人生，定你嘅人生啊？你鍾意關我咩事？係唔係你去做？唔係就唔該唔好講嘢」
G/你之後唔好拎錢返屋企，你同佢講，去你唔鍾意嘅公司返工，賺嘅錢邊好意思畀你
H/你阿媽唔鍾意啲咩先？返工嗰個係你，你媽意見係可以參考，但始終係自己嘅感覺最重要，而且媽媽鍾意嘅公司都要你自己鍾意
以自己的想法為先
不少網民都批評事主，指他過分在乎自己母親的想法，強調事主自身的看法更為重要。亦有網民表示，事主母親的意見可以參考，但面試前想了解公司是否正常，可以在網上搜集資料。畢業後正式踏入社會，成為新鮮人，很多事都要由自己決定。做決定前了解清楚整件事，好好考慮清楚，就能減低後悔機會。
錯過HR的聯絡電話可以怎辦？（點圖了解更多）
即睇4個克服面試緊張情緒的方法：
延伸閱讀：【見工面試】想由小薯晉身成管理層 面試可以點樣凸顯管理技能？
延伸閱讀：【職場文化】如何收服下屬的心？後疫情時代「好上司」必備5個特質
Look out for further updates on our Facebook fan page!
Follow CTgoodjobs for the latest career news, hot topics and recommended jobs!