Next
【見工面試】跟住阿女去見工 竟夠膽向老闆施壓？怪獸母親：唔請我，個女就唔做！
【見工面試】跟住阿女去見工 竟夠膽向老闆施壓？怪獸母親：唔請我，個女就唔做！
2023-08-21
正所謂「養兒一百歲，長憂九十九」，子女處於求學時期，父母會擔心他們的學業成績；出社會工作時，父母又害怕他們無法應付壓力及維持生計，這大槪是很多人的寫照。最近台灣彰化知名仙草店的店主透過Facebook發文，分享一名女孩在媽媽陪同下面試的經過，媽媽竟然向店主施壓：「如果你不請我，我女兒就不做了。」
點圖了解更多事件經過：
「今日有對母女嚟見工，真係搞到我個人呆咗喺度。話說當我開始同個女面試嗰陣，佢媽媽就開始插嘴。
求職者媽媽：你哋個冷氣要搞搞佢，唔係就唔夠涼。
我：好啊，我會改善
求職者媽媽：你哋呢度係唔係要洗嘢？
我：要清洗啲鍋具同整理廚房
求職者媽媽：我個女唔洗得嘢，隻手會有事
我：哦，我盡量安排
求職者媽媽：點解你哋無放啲櫈喺度？
我：好，我會放幾張喺度（心諗都放棄，應付吓佢算）
好不容易，終於按照個流程傾完（解脫）
求職者媽媽：到我啦，我都要應徵！
我即刻話：我哋只係請一個人
求職者媽媽：我要嚟幫我個女手，如果唔請我，我個女就唔做啦
我：如果確定咗，公司會打電話畀你哋，多謝
求職者媽媽：要等幾耐？啲公司都咁樣講，最後無個會打嚟
我：定你哋去搵過其他公司，我哋呢邊配合唔到你嘅要求
結果對母女就嬲住咁走咗去，真係莫名其妙，從頭到尾我講嘢都好客氣，我真係覺得唔可以太保護啲小朋友，唔係佢哋出社會會好辛苦。」
網民回應：
A/之前我負責面試，只要係同家長一起嚟In，我一律都唔敢用，好怕用咗會出事
B/好誇張，咁搞法好難喺社會生存同競爭
C/而家啲父母保護過頭，小朋友都要靠父母
D/好癲啊！係咪食飯都要阿媽餵
E/所以係咪兩個只出一份糧
F/我連送個女去面試，我都唔敢畀公司啲人睇到，好怕公司覺得個女唔夠獨立
G/咁樣有公司聯絡你先奇
H/不如叫佢阿媽開間公司，做老闆娘算啦
I/恐龍家長，怪獸新世代
J/既然係公主，就留返喺屋企
K/真係大開眼界
L/老闆你真好人，係我實畀啲顏色個阿媽睇下
過度保護子女 反而害了他們？
對於老闆的分享，網民都感到嘩然，今時今日竟有父母會如此保護子女。有曾擔任招聘人員的網民指，與父母一起參與面試的，一槪不錄用，全因怕他們嬌生慣養。另外，有網民認為，父母過分保護子女，會令子女難以在社會生存及競爭。
曾經有資深HR在訪問指出，父母陪同見工，會對求職者大打折扣，皆因他們認為求職者沒有獨立性，難以應付日常工作。作為家長，應該適當時候放手，讓子女學會獨立，他們才能飛得更高更遠。
打工有甚麼想向00後分享？（點圖了解更多）
新一代在職場被指不懂人情世故，可以怎辦？（點圖了解更多）
延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！
超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4
最新專訪片︰
【Office豪華旅行團】華懋集團新辦公室轉型！每層都有唔同主題嘅Social Hub 又靚又方便
Look out for further updates on our Facebook fan page!
Follow CTgoodjobs for the latest career news, hot topics and recommended jobs!