Next
【畀幾多家用先足夠？】人工一半歸屋企人！打工仔呻用錢都要父母同意！網民：唔好畀佢哋控制！
【畀幾多家用先足夠？】人工一半歸屋企人！打工仔呻用錢都要父母同意！網民：唔好畀佢哋控制！
2024-08-08
【畀幾多家用才足夠？】孝順是中華民族的傳統美德，從小我們就被教導，作為子女要好好孝順父母。實踐「孝順父母」有很多種不同的方式，例如長大後給予父母家用就是其中一種。不過「孝順」是否應該不顧一切，捨棄自身滿足父母的要求？有台灣打工仔在網上討論區Dcard訴苦，指自己投身社會工作2年，薪金的一半都是直接匯款到媽媽的銀行帳戶，若有額外使費，都需要得到父母同意，網民對此不禁回應：「不要被他們控制！」
點圖了解更多事主分享：
事主：「我喺外面工作咗2年，月入40,000台幣（約10,213港幣），扣除房租雜項費用，每個月剩低30,000台幣（約7,660港幣）左右。但我嘅生活費只能夠用10,000台幣（約2,553港幣），其他都要照例匯款畀我阿媽，話係幫我儲錢；而且每次出糧都要影自己本存摺、公司發薪證明，Send畀佢哋睇，如果有大筆支出，仲要解釋原因，額外支出都要阿爸阿媽同意先用得。一星期要打2次返屋企同佢哋傾偈，即使冇咩事都要，但我覺得好煩，冇消息即係好消息呀嘛，咁唔好咩？搞到我成個學生咁，唔講以為我住喺屋企！尤其我上網見其他人都唔係咁，有啲父母連自己個仔係咪返工出緊糧都唔知！相比之下，我父母管我嘅方式令我好有壓迫感。
出到嚟自己做嘢，冇得用自己份人工，仲要我都喺第二個城市度；又唔係話好似負債，但我覺得而家嘅生活費好緊張，而且我真係唔希望做咩都冇私隱。但我唔知點開口（因為我成日拗唔過佢哋）。而家搵到工佢哋都有幫我手，以佢要買樓都係一齊畀房貸。雖然我冇拍拖對象，但我都同佢哋出咗櫃，佢哋都話同咩性別嘅人拍拖冇乜所謂，反正唔好急住結婚就得。
我認為比較可以接受嘅改變係：
1.以後只係畀10,000台幣（約2,553港幣）佢哋，之後真係要畀房貸再調節」。
2.唔好再問我啲錢使咗去邊，唔好再問我存款；存款我自己會諗辦法，但我想要啲自己嘅空間。
呢種情況，大家會有咩建議？我想一步步拎返自己嘅主導權，雖然佢哋面前我好似好乖咁（費事麻煩先咁），但要點講出口好，好怕會講到大家搲爛塊面。」
網民回應：
A/你主動過數畀佢哋，轉做唔過數，跟你諗法做咪得囉。我公司要過落特定戶口度，嗰個戶口剛好喺我媽手上，雖然佢會過數畀我，唔會扣住啲錢，但畀人睇到個數字，都係好大壓力。
B/唔過數畀佢哋會點，你唔好咁易畀人控制得唔得？
C/咁咪唔好過數，唔好咁聽話，我我係冇出櫃亦都冇住喺屋企，本身我都好似你咁，啲人工匯入特定戶口，但後嚟我開咗個新戶口，出人工嗰日屋企人係咁打電話畀我，問我啲錢去咗邊，我忍唔住同佢哋嘈，之後佢哋都唔敢再同我提起。
D/邊度嚟嘅裙腳仔？你阿媽叫你過數就過數？使錢都要你阿媽同意？使唔使去廁所都要問過佢先？咁大個人，自己思考吓啦好唔好？
E/都出咗去住，仲要上繳人工同影證明佢哋睇？唔過數會點？你頂唔順咪反教育佢哋囉！否則就忍啦。
F/可以好好溝通，同佢哋講，你大個仔，成年啦，想學習吓自己管理財務，畢竟如無意外，你父母都會早走過你，唔可能要佢哋死咗都幫你睇住份人工。
G/你缺嘅唔係方法，係決心。
H/快啲搵過份工！
I/反抗！唔係實畀人食住！
J/我一定做唔到，我會全力去抗議！唔好諗住控制我。
網民都紛紛支持事主作出反抗，有網民建議事主不要匯款予家人，由於事主不是與父母同住，因此即使轉帳，家人也沒有辦法；有網民則表示無法理解事主為何仍要將發薪記錄發給父母。對於事主與父母攤牌，有網民勸喻事主好好與父母聊聊，或者直接告訴對方，自己想要學習管理財務，以這個婉轉的方式取回主導權。
家人不滿意薪酬數字？（點圖了解更多）
畢業生應否向父母公開真實人工？（點圖了解更多）
延伸閱讀：【家庭關係】打工仔請屋企去旅行 欲畀少1個月家用！母親1句說話令事主心淡？網民：當畀你認清屋企人！
延伸閱讀：【家庭關係】母親要求2成人工做家用！打工仔直斥無理！網民反問：有幾過份？
延伸閱讀：【家庭關係】30歲打工仔感嘆 母親「登六」仍返牛工 事主：畀唔到好生活佢，自覺好冇用！
最新專訪片︰
【星級斜槓族】JACE陳凱詠自組工作室成獨立音樂人 新歌《間歇性休眠》紀錄人生低谷期 鼓勵大家勇敢面對人生考驗
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!