Next
【薪酬福利】勞工法例要求當員工福利？打工仔：見過廣告寫MPF、準時出糧…
【薪酬福利】勞工法例要求當員工福利？打工仔：見過廣告寫MPF、準時出糧…
2022-05-30
世界各地皆有法例規管僱傭雙方的權利與義務，避免職場經常出現勞資糾紛，以及保障僱員不被資方無理剝削。法例規管從來只屬最低標準，多數企業也會給予員工享有優於法例的員工福利，以便挽留人才。話雖如此，有一打工仔最近有感而發，並到社交媒體專頁「奴工處」投稿，表示不明瞭為何部分企業竟可將法例要求當作員工福利，引來網民熱討搞笑「員工福利」。
延伸閱讀：【職場熱話】公司福利大比拼 仔女溫習假？ 網民：我得MPF
即睇發文者分享及其他網民回應：（按圖了解）
發文者：我唔明白點解會有公司將勞工法例包含嘅待遇當係員工福利，更變態係將OT寫成員工福利。
網民：我見過salary provided。
網民：見過福利寫MPF。
網民：返5 days都係福利。
網民：見過有薪假4日、12日勞工假（仲寫緊12日）、7日大假、MPF。
網民：見過寫「準時出糧」……
網民：就嚟有水飲、有空氣、有得去廁所都係福利。
網民：通常咁寫係因為根本無福利！
網民：將OT變成員工福利呢個有無例子？想睇睇！
網民：應該係OT有錢就係福利，有double pay的話可能大把人搶住做！
網民：我試過某公司福利，一年有7日年假，未過試用期可享公眾假期。
網民：我試過有工未過試用期，公眾假期係no pay leave（利申：呢間緊貼法例底線嘅，我做唔夠一年搵到另一份薪高糧準嘅就走咗喇。）
網民：我試過見工，嗰老細一味話我哋有幫你買保險㗎，對你幾好呀！黐線！
網民：有本事佢咪唔好買保險，我聽日即刻出事就賠死佢！
網民：我試過有公司話fringe benefit有annual leave呀，另外咩travelling allowance，以為有車船津貼，點知原來只係你幫公司出去做嘢，返嚟畀返車錢你……開心死啦！
網民：有啲請人永遠將人要求嘅人工壓少少，然後一兩個月加返壓低咗嗰啲，跟住成日同員工講，公司幾好，試用期短，加人工快，頂佢呀。
最低標準屬義務 非僱員眼中福利
法律是社會所有人應遵守的行為準則，屬於義務，勞資雙方必須依照《僱傭條例》行事。社會道德規範、合理與否之標準往往高於法律要求，所以只做最低要求未必達到大眾眼中的合理道德界線。正因如此，企業若在僱員保障方面只能做到最低要求，該等企業普遍難以挽留人才，造成高員工流失率的現象。
有網民提及，曾遇上「緊貼法例底線」的公司，於是在工作期間盡快找機會轉職，可見福利貧乏的公司會出現人才流失、難以在勞工市場維持競爭力等問題。部分網民揶揄當今一些企業十分刻薄，指「有水飲、有空氣、有得去廁所」可能在未來也算是職場福利。
對於有企業在招聘廣告指強積金供款、準時支薪等作為員工福利，網民認為相關舉措貽笑大方，是另類向求職者展現「根本無福利」的方式。
中小企資源相對貧乏，難以給予員工優厚待遇，若需吸引人才，不妨參考以下8招！（按圖了解）
優厚員工福利有助留才，但商業雜誌福布斯（Forbes）導師協會成員認為以下5種福利對留才不起作用：（按圖了解）
延伸閱讀：【員工福利】調查指大部分打工仔寧棄加薪 首選提供混合工作模式職位
延伸閱讀：【銀行福利】薪高糧準福利好！一文睇清銀行工常見福利及獎金
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!