【舊公司錯出糧！】舊公司出多咗糧！打工仔要求舊公司經銀行處理 竟被會計部警告會有勞工處介入？網民：程序上你無錯，點都係舊公司搵銀行處理！

有關網民收到前公司出多了薪金的事宜

近日，有網民於連登討論區發文，指自己從前公司離職後，經舊公司會計部同事通知後，才發現自己銀行戶口收取了額外薪酬。事主希望對方經由銀行途徑索回多餘款項，但竟被對方拒絕，更直斥事主「玩嘢」，揚言會要求勞工處介入……

延伸閱讀：【公司倒閉賠償懶人包】員工如何追討欠薪、代通知金、遣散費？一文睇清《破產欠薪保障條例》亮點｜僱員一行為加快申請速度

►最新【銀行 / 金融】職位空缺

事主分享

+3

+2

事主：離職之後，舊公司喺月尾出多咗１個月糧畀我，一份Autopay，一份cheque。會計部打嚟話行政失誤，叫我用轉數快過返筆錢畀佢哋。我無啦啦收多咗錢，張cheque又無show邊個入畀我，所以我就同佢哋講：「你入錯數唔關我事，你哋通知銀行，再叫銀行通知我啦。」

點知會計部唔肯，話銀行唔會處理呢啲嘢，我同佢講返：「你哋無啦啦入多咗錢畀我，我都唔會處理呢啲嘢啦。」會計部一聽到就即刻話：「咁你即係玩嘢啫？好呀，咁我哋搵勞工處搞。」咩勞工處唔係保障勞工嘅咩？我唔知，但我就直接cut咗佢線。

我由始至終都無諗過唔合作，但呢筆來歷不明嘅款項，令我唔知點同銀行解釋，我叫會計部寫個證明畀我或者通知銀行再採取行動，佢哋都唔肯，堅持要我用轉數快返畀佢哋。咁我都要保障自己㗎，陣間有咩事都有排煩。我只係想啲嘢係行正規途徑處理啫……

網民回應

+10

+9

網民A：拎張支票嗰陣你無簽名咩？

網民B：銀行會幫手搞，只係佢哋無任何權力強硬咁郁你戶口嘅錢，佢哋只會聯絡你，叫你轉返。而家咁多洗黑錢，我都建議你堅持用銀行做中介去處理呢件事。

網民C：點睇都似係會計部同事做錯嘢，但又唔想畀上面知，所以諗住同你私底下解決。

網民D：程序上無錯，錯誤轉帳一方要填表通知銀行，銀行再問你有無爭議，否則個個轉完數就話轉錯數可以退錢，大把人會用嚟詐騙。

網民E：正常做法一定係佢哋自己同銀行搞，銀行再通知你。通常銀行會叫你去分行簽嘢。千祈唔好諗住私下解決，你又分唔到真假，到時人哋話收唔到錢/有人吞咗筆錢你就大鑊。

網民F：你係咪用支票機入同埋你入咗支票幾耐？之前新聞有講過有種新嘅詐騙手法係畀張支票你，然後你用機入，入完條數會喺E-banking見到，但只係係暫時，過一、兩日後就會彈票，無咗筆錢。如果真係咁啱彈票，你又過咗筆FPS畀佢，咁就變咗你唔見錢。所以支持你跟正規途徑叫銀行處理。

網民G：梗係保障返自己啦，佢做錯嘢態度仲要咁差！

網民H：唔敢通知銀行，但敢搵勞工處？個會計部同事邏輯好似有啲問題喎。

網民I：自己報警備案先，話啲錢來歷不明！

網民J：舊公司唔肯出封正式嘅信畀你好可疑喎……

網民K：支持你要會計部用正式途徑攞返筆錢，唔明點解會計會想私了件事。有啲專業知識嘅人，都唔會諗用私了形式解決啦……

延伸閱讀：【勞工法例】HR出糧出少近3000蚊！事主慘呻：Send Email都無人覆⋯⋯

►最新【銀行 / 金融】職位空缺

對於事主的經歷，不少網民都支持事主的行為，他們指出公司向員工追討額外薪金，最正規的做法是通知銀行，由銀行作為中介向事主追討額外薪金。網民續指，事主若遵照對方要求，以轉數快（FPS）退還多出的金額，一旦有立心不良人士私自收取款項，只會令事情變得更為複雜，因此經由銀行來追討，才能保障雙方安全，避免落入騙財陷阱及洗黑錢的嫌疑。

有部分網民直斥對方因工作出錯，而希望私自解決，避免驚動上司及受到責備，他們表示事主願意合作歸還款項，但對方卻用恐嚇的口吻恐嚇事主，有違其專業操守，因此建議事主向舊公司投訴，指責對方的不是。

延伸閲讀：【勞工法例】打工仔加薪後三個月 被要求「回水」：公司計錯數

►最新【銀行 / 金融】職位空缺

「出錯糧」或「收錯糧」應該怎樣處理？

老闆或打工仔若出現「出錯糧」或「收錯糧」的情況，應該即時聯絡付款及收款的銀行。根據香港銀行公會及金管局「跟進錯誤轉帳的處理程序」指引，建議有關銀行在接獲客戶「轉錯數」報告後，應在2個工作日內要求收款銀行，聯絡客戶及確認有關誤收轉帳，並需取得客戶授權後方可即時轉回有關金額。

銀行亦有責任提供一切相關資料，協助客戶盡快識別轉帳是否有誤，並需提醒收款客戶不歸還誤入款項，可能要承擔刑事責任。

延伸閲讀：【職場熱話】離職後公司出多咗糧 警告事主唔好偷錢 員工：我一定要還？

►最新【銀行 / 金融】職位空缺

離職前5大交接工作重點

+8

+7

項目的現況

♦如果某項目仍在進行中，你應該詳細描述現況，例如發展到哪個地步、重要日程、牽涉哪些人物等，讓接任人弄清狀況後馬上執行項目，以免耽誤工作時間表。

尚未完成事項

♦假設你已經知道未來要負責哪些任務，那麼可以明確列出即將要做的事，幫繼任同事「打定個底」。不要讓他陷入迷糊的狀態，連發生什麼事都不知。

例行工作

♦每個崗位都有很多瑣碎的例行工作，例如參與定期會議、撰寫每週工作報告、遞交每月雜費索償單等。請把這些事情一一列出來，讓接任同事記在行事曆上。

檔案存放位置

♦請將以往做過的文件分門別類，並統一儲存在不會過期的位置。然後在交接文件上清楚寫低放在電腦的某處，好讓接任同事輕易找到資料。

聯絡清單

♦這是交接文件中最重要的事項，最好平時收到卡片後，便立即將客戶聯絡方法列在Excel表中，包括職位、電話及電郵。萬一你離職後，公司同事想聯絡客戶，也可以從中找到。

延伸閲讀：【見工伏事】HR要求提供星座、血型、身高 仲即場幫求職者影相作紀錄！網民：相睇定見工？

►最新【銀行 / 金融】職位空缺

辭職後，如何計算最後上班日期？

+10

+9

辭職後，如何計算最後上班日期？

♦據《僱傭條例》第5項「僱傭合約的持續期」中的第1點指︰
每份屬連續性的僱傭合約，如無任何相反的明訂協議，均須當作是為期1個月並可按月續期的合約。

♦按《僱傭條例》的第6項「以通知終止合約的情況」的第4點表示︰
就本條而言，月(month)指由發出終止僱傭合約通知之日起計，或由僱傭開始之日起計(視屬何情況而定)，至下個月份同一日的前一日終結時的一段期間，如下個月份並無同一日，或如發出通知或僱傭開始之日為一個月的最後一日，則至下個月份最後一日終結時的一段期間。即是說，若僱主需要一個月的離職書面通知，《僱傭條例》便列明相關通知期是由遞上辭職信的那天起計算，至下月同一天的前一日為止，例如：於2019年5月14日遞信，通知期便截至6月13日；假如下個月份沒有相同日子，例如1月30日遞信，而2月沒有30日，便以2月的最後一天（28或29日）計算。如果在通知期內有公眾假期、既定休息日，打工仔均不需要補回。

如Last Day是星期日有人工嗎？

♦如你的僱傭合約列明是五天工作周和以月薪出糧的話，員工在星期日Last Day都有人工的，因此不少人決定離職時都會計算好，將Last Day安排在星期日，務求獲得兩日人工。

辭職後，在通知期內可放年假嗎？

♦根據《僱傭條例》，僱員按連續性合約受僱每滿12個月，便可享有有薪年假，但這些法定年假，不得計算在終止僱傭合約所需的通知期內。即是說，如僱員是在辭職前預先申請年假，而僱主又批准了的話，這是可以的，但員工在遞交辭職信後才想申放年假，那就不可以（就算仍有年假配額，也不能申請放取），除非僱主與僱員雙方皆同意，否則未放取的年假是不可代替通知期（法定假期及休息日例外）。

♦不過終審法院曾在2008年就一宗僱員在通知期內放取預先安排的年假的案件作出裁決，判決指，上述限制並不適用於僱員辭職的情況，僱員在辭職時有權選擇在所需的通知期內放取法定的年假。然而，此為個別個案，未必適用於所有狀況，因此一般而言，離職通知期內是不能申請和放取年假。

延伸閲讀：【庹縮老細｜勞工法例】老細叫打工仔提早Last Day 美其名畀打工仔返新工前有緩衝期 其實係想收代通知金？

►最新【銀行 / 金融】職位空缺

最新專訪片︰

【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢